Nau Mprơ Ơm 77:2 - Nau Brah Ndu Ngơi 2023

² Tâm nar rêh ni, gâp joi Kôranh Brah; Dôl măng, ti gâp yơr ăn sŏng mâu rgănh ôh; Ƀiălah huêng gâp mâu geh nau bonh leng.

Nau Mprơ Ơm 77:2 ပူးပေါင်းရင်းမြစ်များ

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

II Nau Rêh Jêng 6:28

Tơlah tâm n'gor geh nau ji ngot, nau ji tưp, prăng phang, hon sêt-o, krah ndrach mâu lah krah nsăt, mâu lah tơlah phung rlăng nchueng jŭm lĕ mpông ƀon tâm n'gor bri khân păng gŭ, mâu lah geh ăp nau mhĭk mâu lah nau ji,

Ndrom Samƀŭt bơh Yôp 11:13

Pônây tơlah may ndrăp nuih n'hâm may nơm ăn jêng sŏng. Jêh ri yơr ti rle mpeh Kôranh Brah,

Nau Mprơ Ơm 18:6

Tâm nau rêh ni gâp mbơh sơm ma Brah Yêhôva, Gâp kuăl ma Brah Ndu gâp. Bơh ngih brah, Păng tăng bâr gâp Jêh ri bâr gâp kuăl gay rklaih tât ta tôr Păng.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 55:17

Mhaơ, kêng ôi jêh ri nar nklang bôk, Gâp mra nter vơh, rđêng nđor, Nanê̆ Păng mra tăng bâr gâp.

Nau Mprơ Ơm 63:6

Dôl gŭ bê̆ch ta klơ sưng, gâp kah gĭt ma May, Jêh ri gŭ mĭn rvê ma May tâm ăp măng.

Nau Mprơ Ơm 86:7

Tâm nar rêh ni, gâp kuăl mbơh sơm ma May, Yorlah May mra mplơ̆ lah nau gâp.

Nau Hôr 18:14

Nuih n'hâm bơh du huê bunuyh tâm kơl bunuyh nây nôk ji kuet, Ƀiălah Nuih n'hâm lĕ rai roh pôri mbu nơm dơi dâk đŏng?

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Yêrêmi 31:15

Brah Yêhôva lah: “Bu tăng ta ntŭk Rama, Bâr nhĭm vơl, nhĭm rngot ngăn. Nây jêng H'Rachel nhĭm vơl yor kon păng, Mâu ŭch geh nau bonh leng ma phung kon, Yorlah khân păng mâu rêh đŏng ôh!”

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Yôhan 11:31

Nôk phung Yuđa gŭ tâm ngih nây ndrel ma H'Mari, gay bonh leng păng, khân păng saơ păng ndil ndal dâk hăn luh, pôri khân păng hăn tĭng ro, yor nđôn lah păng hăn nhĭm ma nâu păng ta môch.

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.