Nau Mprơ Ơm 77:15 - Nau Brah Ndu Ngơi 2023

¹⁵ May sŏk ti May nơm gay tâm chuai phung ƀon lan May, Nây jêng kon sau Yakôb jêh ri Yôsep. (Sêla)

Nau Mprơ Ơm 77:15 ပူးပေါင်းရင်းမြစ်များ

Nau Mprơ Ơm 72:18

Khư mprơ tâm rnê ma Yêhôva Brah Ndu jêng Brah Ndu phung Israel. Knŏng du huê Păng ƀư lĕ kan khlay ngăn!

Nau Mprơ Ơm 74:2

Ăn May kah gĭt ma phung ƀon lan May hŏ ndâk jêh ntơm bơh kăl e, Phung May tâm chuai jêh gay ƀư jêng drăp ndơn May; Ăn May kah gĭt ma yôk Siôn jêng ntŭk May tă gŭ jêh.

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Daniel 6:28

Y-Daniel geh nau tâm n'hao dôl rnôk hađăch Darius jêh ri hađăch Sirus, phung Persi.

Nau Vay Nkah Tay 9:26

Gâp hŏ mbơh sơm ma Brah Yêhôva: ‘Hơi Kôranh Brah, Brah Yêhôva, dăn Kôranh Brah lơi ƀư rai ôh phung ƀon lan May, jêng drăp ndơn May, jêng phung ƀon lan May hŏ tâm chuai jêh ma nau rnam dŭt prêh May, jêh ri hŏ njŭn leo khân păng luh bơh n'gor Êjipt ma ti nau rnam May.

Nau Vay Nkah Tay 9:29

Ƀiălah khân păng jêng phung ƀon lan May, jêng drăp ndơn dĭng May hŏ dŏng jêh nau rnam toyh jêh ri yơr ti dŭt dăng gay djôt leo khân păng luh bơh Êjipt.’”

Yôsuê 3:5

Y-Yôsuê lah ma phung ƀon lan: “Ƀư kloh hom khân may nơm, yorlah nar ôi taơ Brah Yêhôva mra ƀư âk nau kan khlay ngăn ta nklang khân may.”