Nau Mprơ Ơm 76:7 - Nau Brah Ndu Ngơi 2023

⁷ Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Mprơ Ơm 76:7 ပူးပေါင်းရင်းမြစ်များ

I Nau Rêh Jêng 16:25

Yorlah Brah Yêhôva dŭt toyh, khư ngăn ma bu mprơ tâm rnê, Păng khư ngăn ma bu klach yơk rlau lơn ma lĕ rngôch brah.

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Nau Mprơ Ơm 130:3

Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Mprơ Ơm 90:11

Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

Nau Ngluh Êjipt 15:1

Aƀaơ, Y-Môis jêh ri phung ƀon lan Israel mprơ nau mprơ aơ ma Brah Yêhôva: “Gâp mprơ tâm rnê Brah Yêhôva, Yorlah Păng dŭt prêh ma nau rnam ngăn. Păng hŏ mƀăr jêh tâm dak mƀŭt, Seh jêh ri phung tahan ncho seh.

Nau Ngluh Êjipt 15:4

Păng hŏ mƀăr jêh ndeh seh jêh ri lĕ phung tahan Pharaôn tâm dak mƀŭt; Phung kôranh tahan toyh păng săch hŏ ngâm jêh tâm Dak Mƀŭt Chăng,

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

I Kôrintô 10:22

Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?

Nau Tâm Mpơl 14:7

Tông mpăr ngơi huy pô aơ: “Klach yơk hom ma Brah Ndu jêh ri tâm rnê Păng, yor mông Păng phat dôih tât jêh. Yơk mbah hom ma Nơm rhăk njêng trôk, neh ntu, dak mƀŭt jêh ri lĕ tu dak.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”