Nau Mprơ Ơm 76:6 - Nau Brah Ndu Ngơi 2023

⁶ Ơ Brah Ndu Yakôb, Tơlah May nduyh lah, seh nđâp ma phung ncho seh prah khĭt da dê.

Nau Mprơ Ơm 76:6 ပူးပေါင်းရင်းမြစ်များ

II Samuel 10:18

Ƀiălah phung Siri nchuăt du panăp phung Israel. Y-Đavit ƀư rai pơh rhiăng ndeh seh phung tahan Aram jêh ri puăn rmưn nuyh tahan ncho seh. Ta nây, hađăch nkhĭt đŏng Y-Sôbach, kôranh chiă uănh ma phung tahan khân păng.

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Mprơ Ơm 104:7

Ƀiălah tơlah May nduyh, dak nchuăt du ro; Tăng nteh nglaih May, dak gơnh du ngai.

Nau Mprơ Ơm 18:15

Ơ Brah Yêhôva, yor nau May nduyh, Jêh ri yor n'hâm nsôr luh tă bơh trôm muh Păng, Blat dak mƀŭt mra mpơl Jêh ri lĕ mbon neh ntu mra saơ.

Nau Mprơ Ơm 80:16

Tơm play krăk ƀâu nây ŭnh sa jêh ri bu koh; Yorlah nau muh măt May nduyh lah, khân păng mra rai yot.

Nau Ngluh Êjipt 15:1

Aƀaơ, Y-Môis jêh ri phung ƀon lan Israel mprơ nau mprơ aơ ma Brah Yêhôva: “Gâp mprơ tâm rnê Brah Yêhôva, Yorlah Păng dŭt prêh ma nau rnam ngăn. Păng hŏ mƀăr jêh tâm dak mƀŭt, Seh jêh ri phung tahan ncho seh.

Nau Ngluh Êjipt 15:10

May hŏ nsôr jêh n'hâm, dak mƀŭt rdŭl bŭk khân păng; Khân păng ngâm nâm bu rchuăl ndrak tâm n'hong dak ktang.

Nau Ngluh Êjipt 15:21

H'Miriam mprơ pô aơ: “Mprơ hom ma Brah Yêhôva Yorlah Păng dŭt prêh geh nau rnam. Păng hŏ mƀăr jêh tâm dak mƀŭt Seh jêh ri rmăk seh.”

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Êsêkiêl 39:20

Ta sưng sông Gâp, khân may mra sa hơm puăch seh jêh ri puăch phung ncho seh, puăch phung janh ktang jêh ri ăp ntil phung tahan tâm lơh,’ Kôranh Brah Yêhôva lah pônây.”

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nahum 3:18

Hơi hađăch Asiri, Phung rmăk biăp may lĕ bê̆ch jêh! Phung kôranh may gŭ rlu da dê. Phung ƀon lan may nchah rai pru pra tâm lam yôk, Mâu geh ôh nơm sâm rgum tay khân păng.

Sakari 12:4

Brah Yêhôva lah: “Tâm nar nây, Gâp mra rmal, ăn lĕ rngôch seh geh nau klach, ăn ma bunuyh ncho seh geh nau brŭt ndrăng. Ƀiălah Gâp mra lin măt uănh klơ ngih Yuđa, nôk Gâp mbang lĕ rngôch seh ndơ tâm lơh bơh phung mpôl băl bunuyh, ƀư ăn khân păng chieh măt.

I Samuel 26:12

Pôri, Y-Đavit sŏk tak jêh ri dak yăng bơh bôk bê̆ch Y-Sôl, jêh nây bar hê khân păng dâk hăn. Mâu geh nơm saơ ôh, mâu geh nơm gĭt ôh, jêh ri mâu geh nơm kah rngăl, lĕ rngôch hăk bê̆ch da dê, yorlah Brah Yêhôva hŏ ƀư ăn ma khân păng lêt bê̆ch.