Nau Mprơ Ơm 76:5 - Nau Brah Ndu Ngơi 2023

⁵ Phung tahan janh ktang bu hŏ ntŭng pit jêh ndơ, Khân păng nơm gŭ tâm nau hăk bê̆ch; Mâu geh du huê nơm janh ktang Dơi mpư tur ti khân păng nơm.

Nau Mprơ Ơm 76:5 ပူးပေါင်းရင်းမြစ်များ

Nau Mprơ Ơm 13:3

Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Êsai 31:8

Asiri mra cha lôt tâm dâng mpiăt đao, mâu tăp ma đao bunuyh ôh, Jêh ri du mpiăt đao mâu tăp ma đao bunuyh ôh mra sa rvăn khân păng. Păng mra nchuăt du panăp mpiăt đao nây, Jêh ri phung bu klâu ndăm păng mra ƀư pah kan jâk.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Nahum 3:18

Hơi hađăch Asiri, Phung rmăk biăp may lĕ bê̆ch jêh! Phung kôranh may gŭ rlu da dê. Phung ƀon lan may nchah rai pru pra tâm lam yôk, Mâu geh ôh nơm sâm rgum tay khân păng.