Nau Mprơ Ơm 75:7 - Nau Brah Ndu Ngơi 2023

⁷ Ƀiălah Brah Ndu nơm yơh ƀư nau phat dôih: Păng n'hŭch nơm aơ jŭr, n'hao nơm ri hao.

Nau Mprơ Ơm 75:7 ပူးပေါင်းရင်းမြစ်များ

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

II Samuel 6:21

Y-Đavit lah ma H'Mikal: “Nây yơh tra năp măt Brah Yêhôva jêng Nơm hŏ săch sŏk jêh gâp ntrok an ma mbơ̆ ay, jêh ri lĕ rngôch ngih mbơ̆ ay, njêng gâp ƀư hađăch chiă uănh phung Israel jêng phung ƀon lan Brah Yêhôva, ta nây gâp dơi mprơ kdŏ tanăp măt Brah Yêhôva.

Nau Mprơ Ơm 147:6

Brah Yêhôva kâp kơl phung dêh rhêt, Ƀiălah lơh rlâm phung ƀai tŭp ta neh.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Mprơ Ơm 58:11

Bu mra lah pô aơ: “Nanê̆ geh nau nkhôm ma nơm sŏng srăng, Nanê̆ ngăn, Brah Ndu dôl phat dôih tâm neh ntu.”

Daniel 2:37

Ơ hađăch, may jêng hađăch ma phung hađăch; Brah Ndu klơ trôk ăn jêh ma may ƀon bri hađăch, nau dơi, nau ktang jêh ri nau chrêk rmah.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Luka 1:52

Păng n'glưh nsot sưng hađăch lĕ phung chiă uănh, Jêh ri hŏ n'hao phung bunuyh dêh rhêt hao.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Samƀŭt Pôl Njuăl Ăn Ma Phung Nsing Ta Ƀon Rôm 11:15

Yorlah tơlah nau mƀăr lơi ma khân păng hŏ njŭn leo nau tâm rnglăp ma neh ntu, pôri moh nau khân păng sŏk dơn mâu di hĕ jêng nau rêh tât tă bơh nau khĭt?

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:28

Y-Samuel lah ma păng: “Nar aơ Brah Yêhôva lĕ nkhêk jêh ƀon bri hađăch Israel tă bơh may kơt nĕ, gay ăn ma du huê bunuyh chiau meng may, jêng nơm ueh lơn ma may.

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”