Nau Mprơ Ơm 74:3 - Nau Brah Ndu Ngơi 2023

³ Ăn May chuat tât rlau lĕ rngôch ntŭk rlâm rai lĕ: Phung rlăng ƀư rai lĕ jêh lĕ rngôch ndô ndơ tâm ntŭk kloh ueh.

Nau Mprơ Ơm 74:3 ပူးပေါင်းရင်းမြစ်များ

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 2:13

Klong măng gâp luh bơh ƀon rgăn mpông pêr Rlŭng, rle mpeh Dak N'hor Bêh Nhŭk Nhăk jêh ri tât mpông pêr Ndjah gay sek uănh lĕ mpêr ƀon Yêrusalem hŏ rlâm jêh jêh ri mpông ƀon lĕ ŭnh sa jêh.

Nêhêmi 2:3

Gâp lah ro ma hađăch: “Ăn hađăch gŭ rêh n'ho ro! Mâm dĭng măt gâp mâu rngot, tơlah ƀon, jêng ntŭk geh môch ma phung chô yau gâp gŭ, lĕ rai jêh, jêh ri lĕ rngôch mpông ƀon lĕ ŭnh sa jêh?”

Nau Mprơ Ơm 44:23

Ơ Kôranh Brah, kah rngăl hom! Mâm ƀư May bê̆ch? Ăn dâk hom, lơi ta chalơi ma hên mro mrăng ôh!

Nau Mprơ Ơm 44:26

Ăn May dâk hom gay ma sâm kơl hên; Tâm chuai hên yor nau nuih n'hâm ueh May.

Nau Mprơ Ơm 79:1

Ơ Brah Ndu! Phung mpôl băl bri êng lăp jêh tâm drăp ndơn May; Ƀư ƀơ̆ ngih brah kloh ueh May; Jêh ri ƀư ma ƀon Yêrusalem jêng du mbŭch ƀrĭk hăch.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 61:4

Khân păng mra rdâk tay lĕ ntŭk rlâm rai rnôk kăl e, Rdâk đŏng lĕ ntŭk rngot njăp panăp; Nkra tay lĕ rngôch ƀon rai jêh, Jêng lĕ ntŭk rngot njăp hŏ âk năm jêh.

Yêrêmi 52:13

Păng ntrŭnh su rai ngih brah Brah Yêhôva, ngih hađăch jêh ri lĕ rngôch ngih tâm ƀon Yêrusalem, jêh ri su lĕ rngôch ngih toyh phung ndrŏng.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Daniel 11:31

Phung tahan yor ma hađăch nây njuăl hăn gŭ jêh ri ƀư ƀơ̆ pôih kloh ueh. Khân păng chalơi nhhơr ndơ ƀư brah gŭch ƀaƀơ jêh ri ndâk njêng nau ƀơ̆ ăn jêng rngot njăp.

Daniel 9:17

Pônây aƀaơ aơ, ơ Brah Ndu hên, dăn iăt hom nau mbơh sơm vơl dăn oh mon May! Yor amoh Kôranh Brah, dăn muh măt May dơi sol ang ta klơ ngih kloh ueh rngol May!

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Mika 1:3

Yorlah ri, Brah Yêhôva du luh tă bơh ntŭk Păng Jŭr gŭ jêh ri jot ta klơ lĕ ntŭk prêh tâm neh ntu.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Markôs 11:17

Jêh nây Păng ntĭm nti ma khân păng: “Mâu di ƀơh, geh nau nchih jêh pô aơ: ‘Ngih Gâp bu mra kuăl jêng ngih mbơh sơm ma lĕ rngôch mpôl băl bunuyh’? Ƀiălah khân may njêng ntŭk nây jêng trôm nau ntŭng.”

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Yôsuê 10:24

Nôk bu njŭn leo prăm hađăch nây văch ma Y-Yôsuê, Y-Yôsuê kuăl lĕ rngôch phung bu klâu Israel jêh ri lah ma phung kôranh chiă uănh tahan hŏ hăn ndrel jêh n'hanh păng pô aơ: “Văch dăch hom, jot jâng khân may ta trô ko phung hađăch aơ.” Khân păng hăn văch dăch, jot jâng khân păng ta trô ko phung hađăch nây.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.