Nau Mprơ Ơm 74:19 - Nau Brah Ndu Ngơi 2023

¹⁹ Lơi jao ôh nau rêh plŭk May ma mpa bri janh; Lơi ta chuêl mro nau rêh phung o ach, jêng phung ƀon lan May.

Nau Mprơ Ơm 74:19 ပူးပေါင်းရင်းမြစ်များ

Nau Mprơ Ơm 10:12

Brah Yêhôva ơi! Dăn dâk hom; Brah Ndu ơi! Dăn yơr hom ti Kôranh Brah; Lơi ta chuêl ôh phung rêh ni.

Nau Mprơ Ơm 68:10

Ơ Brah Ndu, phung ƀon lan May joi dơi saơ du ntŭk gŭ ta nây, Yor nau ueh, May ăn lĕ nau ŭch phung pưt kƀah.

Nau Mprơ Ơm 68:13

Tơlah khân may gŭ rlu tâm nklang ndrung biăp, Ăt geh năr plŭk nkŭm ma prăk. Jêh ri rsau ma mah chrêk.

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 9:18

Bunuyh pah pưt bu mâu mra chuêl n'ho ro, Jêh ri phung o ach mâu geh roh nau kâp gân ƀaƀơ ôh.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Nau Mprơ Ueh 4:1

Hơi nơm gâp rŏng, ay ueh reh ngăn, Ay dŭt ueh reh ngăn! Măt ay nâm bu kôp sĭm plŭk Nde pakơi bok nkŭm măt; Sŏk ay nâm bu phung be Nsăt ta lô̆ ta jŭr sop Gilêat.

Nau Mprơ Ueh 6:9

Ƀiălah sĭm plŭk, hơi nơm ueh ngăn ngên, ay jêng mrô nguay! Jêng kon bu ur knŏng nguay ma mê̆ păng, Du huê kon nơm rŏng lơn ma nơm hŏ deh păng. Lĕ bu ur druh saơ păng rnê păng geh nau ueh uĭn da dê. Lĕ hađăch bu ur jêh ri ur yông tâm rnê păng da dê.

Êsai 60:8

Mbu nơm phung aơ mpăr tâm ban ma ndâr tŭk, Tâm ban ma sĭm plŭk mpăr sĭt ma rsuăn khân păng?

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.