Nau Mprơ Ơm 74:1 - Nau Brah Ndu Ngơi 2023

¹ Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Nau Mprơ Ơm 74:1 ပူးပေါင်းရင်းမြစ်များ

II Phung Hađăch 21:14

Gâp mra chalơi kô̆ drăp ndơn Gâp hôm e klen, jao khân păng tâm ti phung rlăng. Khân păng mra jêng ndơ pit in jêh ri jêng ndơ sa ma lĕ rngôch phung rlăng,

Nau Mprơ Ơm 10:1

Ơ Brah Yêhôva! Mâm ƀư May gŭ ngai? Mâm ƀư May pôn muh măt tâm rnôk geh nau rêh ni?

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 18:8

Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nau Mprơ Ơm 42:11

Ơ Huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; yorlah Gâp mra mprơ tâm rnê Păng, Jêng Nơm kơl gâp jêh ri Brah Ndu gâp.

Nau Mprơ Ơm 42:9

Gâp lah ma Brah Ndu jêng Lŭ Toyh gâp pô aơ: “Mâm ƀư May chuêl gâp? Mâm ƀư gâp rngot klâng Tâm dâng nau tŭn jot phung rlăng?”

Nau Mprơ Ơm 44:9

Ƀiălah aƀaơ May chalơi jêh hên, ƀư bêk prêng ma hên; May mâu lĕ hăn tâm lơh ndrel ma phung tahan hên đŏng ôh.

Nau Mprơ Ơm 50:1

Nơm geh nau brah jêng Brah Ndu, jêng Brah Yêhôva, Lah jêh ri kuăl lĕ rngôch bunuyh Ntơm bơh mpeh nar luh kŏ tât mpeh nar nhâp.

Nau Mprơ Ơm 60:1

Ơ Brah Ndu! May chalơi jêh hên, May ăn hên jêng du pru pra; May nuih jêh ma hên. Ƀiălah aƀaơ njŭn leo hên plơ̆ tay.

Nau Mprơ Ơm 60:10

Ơ Brah Ndu, mâu di hĕ May chalơi jêh hên? Ơ Brah Ndu, May mâu hôm hăn tâm lơh ndrel ma phung tahan hên đŏng hĕ?

Nau Mprơ Ơm 77:7

“Kôranh Brah mra chalơi tât n'ho ro lĕ? Păng mâu mra hôm ăn nau ueh lĕ?

Nau Mprơ Ơm 77:8

Nau ueh Păng lôch mro măng lĕ? Nau Păng ton roh n'ho ro mâu hôm lĕ?

Nau Mprơ Ơm 78:1

Hơi phung ƀon lan gâp, gŭ iăt hom nau gâp ntĭm nti; Rkêng hom tôr iăt nau tă bơh trôm mbung gâp.

Nau Mprơ Ơm 79:13

Bi hên jêng phung ƀon lan May jêh ri jêng phung biăp tâm ndrêch gơ̆ nse May, Hên mra tâm rnê ma May mro mrăng; Ntơm bơh rnôk aơ tât rnôk ri, hên mra mbơh nau mprơ tâm rnê ma May.

Nau Mprơ Ơm 79:5

Ơ Brah Yêhôva! Ndah jŏ? May mra ji nuih mro mrăng lĕ? Nau May ntôn mra hit nâm bu ŭnh sa boh?

Nau Mprơ Ơm 80:5

May mât rong jêh khân păng ma ƀănh dak măt Jêh ri ăn khân păng nhêt dak măt bêng kachok.

Nau Mprơ Ơm 85:6

May mâu mra ƀư nau rêh ma hên Gay ma phung ƀon lan May răm maak tâm May lĕ?

Nau Mprơ Ơm 95:7

Yorlah Păng jêng Brah Ndu he: He jêng phung ƀon lan tâm ndrêch gơ̆ nse Păng Jêh ri jêng phung biăp ti Păng têk ndrêng. Nar aơ tơlah khân ay may iăt bâr Păng,

Nau Ngluh Êjipt 32:11

Y-Môis kuăl vơl ma Yêhôva Brah Ndu păng: “Ơ Brah Yêhôva, mâm ƀư Brah Ndu hao nau ji nuih đah phung ƀon lan May, jêng phung ƀon lan May hŏ dŏng nau brah dŭt toyh jêh ri ti nau dăng ngluh khân păng luh bơh n'gor Êjipt?

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Yêrêmi 23:1

Brah Yêhôva lah: “Rêh ni ngăn ma phung rmăk biăp ƀư rai jêh ri ƀư nchah rai pru pra biăp tâm ndrêch gơ̆ Gâp!

Yêrêmi 31:37

Brah Yêhôva lah: “Tơlah geh mbu dơi veh lĕ ndâr trôk prêh ta klơ, Mâu lah dơi sek lĕ mbon neh ntu tâm dâng; Gâp mra chalơi lĕ rngôch phung kon sau Israel Yor lĕ rngôch kan khân păng hŏ ƀư,” Brah Yêhôva lah pônây.

Nau Nhĭm Vơl 5:22

Di lĕ May lĕ chalơi jêh hên, Jêh ri ji nuih ma hên hâu ngăn?

Êsêkiêl 34:31

Khân may jêng biăp Gâp, jêng phung biăp tâm ndrêch gơ̆ Gâp; khân may jêng kon bunuyh jêh ri Gâp jêng Brah Ndu khân may’, Kôranh Brah Yêhôva lah pônây.”

Êsêkiêl 34:8

Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mra mrăng, yorlah mâu geh bunuyh rmăk leo rĭ dĭng phung biăp Gâp hŏ ƀư mpa sa jêh ri hŏ jêng ndơ sa ma lĕ rngôch ntil mpô mpa bri. Phung rmăk biăp Gâp ăt mâu lĕ ŭch joi biăp Gâp, ƀiălah khân păng siăm êng khân păng nơm ƀiălah mâu ŭch ôh siăm phung biăp Gâp.’

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Nau Vay Nkah Tay 29:20

Brah Yêhôva mâu mra yô̆ an ôh ma păng nây, ƀiălah nau ji nuih jêh ri nau ntôn bơh Brah Yêhôva mra su bunuyh nây. Lĕ rngôch nau rak rtăp hŏ nchih jêh tâm ndrom samƀŭt aơ mra nkhŭt ta păng jêh ri Brah Yêhôva mra jut lơi amoh păng bơh tâm neh ntu aơ.