Nau Mprơ Ơm 73:28 - Nau Brah Ndu Ngơi 2023

²⁸ Ƀiălah ueh maak ngăn ma gâp dơi văch dăch ma Brah Ndu; Gâp săch Kôranh Brah Yêhôva ƀư ntŭk gâp gŭ krap, Gay nkoch bri lĕ rngôch kan May.

Nau Mprơ Ơm 73:28 ပူးပေါင်းရင်းမြစ်များ

Nau Mprơ Ơm 107:22

Ăn khân păng nhhơr ndơ ƀư brah nau tâm rnê lah ueh, Jêh ri nkoch bri lĕ kan Păng ma nau mprơ răm maak.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 118:17

Gâp mâu mra khĭt ôh ƀiălah dơi rêh Gay gâp mra mbơh lĕ kan Brah Yêhôva.

Nau Mprơ Ơm 14:6

Phung mhĭk khân may ƀư rai lơi nau nchră ƀư phung o ach, Ƀiălah Brah Yêhôva jêng ntŭk khân păng gŭ krap.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Mprơ Ơm 66:16

Ơ lĕ rngôch phung klach yơk mbah ma Brah Ndu, văch iăt hom, Gâp mra nkoch nau Păng ƀư jêh ma huêng gâp.

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Mprơ Ơm 71:17

Ơ Brah Ndu, May ntĭm nti jêh gâp bơh gâp hôm mom, Kŏ tât ta nar aơ gâp ăt mbơh lĕ nau kan khlay May.

Nau Mprơ Ơm 71:24

Ăp nar mpiăt gâp nkoch nau sŏng srăng May Yorlah phung joi ƀư mhĭk ma gâp Lĕ bêk jêh ri bêk prêng ngăn.

Nau Mprơ Ơm 84:10

Yorlah du nar tâm nkual nhuang May Jêng ueh lơn ma du rbăn nar ta ntŭk êng. Gâp hŏ săch jêh ŭch lơn ƀư bunuyh gak njrăng mpông tâm ngih Brah Ndu Rlau lơn jêng gŭ tâm ngih bok phung ƀai.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Samuel 14:36

Pakơi nau nây, Y-Sôl lah: “He jŭr hom hăn tĭng phung Philistin du măng aơ, pit in ƀư rai khân păng kŏ tât ang ôi, jêh ri lơi om du huê nuyh hôm rêh.” Khân păng lah: “Ƀư hom lĕ nau may mĭn di.” Ƀiălah kôranh ƀư brah lah: “He mbơh sơm hom ma Brah Yêhôva, ta aơ.”