Nau Mprơ Ơm 73:27 - Nau Brah Ndu Ngơi 2023

²⁷ Yorlah ri phung gŭ ngai đah May mra rai yot; May ƀư rai phung ƀư tih mâu răp jăp, chalơi May

Nau Mprơ Ơm 73:27 ပူးပေါင်းရင်းမြစ်များ

I Nau Rêh Jêng 10:13

Pôri, hađăch Sôl khĭt jêh yor păng mâu gŭ răp jăp đah Brah Yêhôva, mâu djôt prăp ôh nau Păng ntăm. Rlau ma nây, păng ôp ma phung ngơi ndrel đah brah mhĭk,

Êsther 9:30

Bu njuăl lĕ samƀŭt ma lĕ rngôch phung Yuđa tâm du rhiăng bar jât ma pơh n'gor tâm ƀon bri hađăch Asuêrus ma nau ngơi đăp mpăn jêh ri nau ngăn.

Nau Mprơ Ơm 106:39

Nâm pônây, khân păng ƀơ̆ ƀơch yor kan khân păng, Jêh ri ƀư tih văng tĭr ma nau khân păng pah.

Nau Mprơ Ơm 119:155

Nau tâm rklaih gŭ ngai đah phung ƀai, Yorlah khân păng mâu joi lĕ nau vay May dăp ôh.

Nau Ngluh Êjipt 34:15

Mâu dơi ƀư nau tâm rnglăp đah phung ƀon lan gŭ tâm n'gor nây, klach lah tơlah khân păng ƀư nau văng tĭr đah lĕ brah jêh ri ƀư brah ma lĕ brah khân păng jêh nây jă khân may jêh ri khân may mra sa ndơ khân păng ƀư brah ma rup brah.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Yêrêmi 12:2

May hŏ brôi tăm khân păng, Khân păng hŏ hon reh văch ma toyh jêh ri geh play. Bâr mbung khân păng gŭ dăch May, Ƀiălah nuih n'hâm khân păng ƀah ngai ma May.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Nau Kơp Bunuyh 15:39

Ăn khân may anh mlâm grong nây gay dôl uănh saơ păng, khân may kah gĭt ma lĕ rngôch nau vay Brah Yêhôva ntăm gay tông tĭng, jêh ri mâu tĭng ndô̆ ôh nau nuih n'hâm jêh ri măt khân may nơm, jêng nau ƀư ma khân may ƀư nau văng tĭr.

Êphêsô 2:13

Ƀiălah tâm Brah Yêsu Krist, khân may jêng phung kăl e ri gŭ ngai, aƀaơ aơ khân may gŭ dăch jêh yor mham Brah Krist.

Êphêsô 2:17

Lah ndrĭ, Păng văch jêh mbơh nkoch nau đăp mpăn ma khân may jêng phung gŭ ngai, jêh ri nau đăp mpăn ma phung gŭ dăch.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.