Nau Mprơ Ơm 73:19 - Nau Brah Ndu Ngơi 2023

¹⁹ Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Nau Mprơ Ơm 73:19 ပူးပေါင်းရင်းမြစ်များ

Ndrom Samƀŭt bơh Yôp 15:21

Tăng nau klach krit nter nteh mro kêng tôr; Dôl ueh mpăn phung ntŭng văch tât.

Ndrom Samƀŭt bơh Yôp 18:11

Nau klach krit gŭ jŭm ƀư krit ngăn, Jêh ri tĭng groi pakơi ndơl jâng păng.

Ndrom Samƀŭt bơh Yôp 20:5

Nau dơi phung ƀai jêng gleh dơm, Jêh ri nau răm maak phung mâu chroh knŏng ƀât lât?

Nau Mprơ Ơm 58:9

Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Nau Hôr 28:1

Bunuyh djơh nchuăt du nđâp lah mâu geh bunuyh hăn tĭng păng, Ƀiălah bunuyh sŏng srăng dăng ktang nâm bu yau mŭr.

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Êsai 47:11

Yor nây, nau djơh mhĭk mra tât ndal ma ay Ƀiălah ay mâu gĭt ôh tă păng văch; Nau rêh ni mra tŭp ta ay, Ƀiălah ay mâu dơi king ôh; Nau ƀư rai mra tât ma ay ƀât lât dơm, Ƀiălah ay mâu năn gĭt ôh.

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Nau Kơp Bunuyh 16:21

“Tâm nkhah hom khân may nơm luh bơh phung tâm rƀŭn aơ, Gâp mra ƀư rai khân păng ƀât lât dơm.”

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”

I Samuel 25:38

Klăp lah jât nar jêh nây, Brah Yêhôva dong Y-Nabal, jêh ri păng khĭt.

I Samuel 28:20

Y-Sôl cha lôt jŏ ngăn ta neh, lĕ nau ngơi bơh Y-Samuel ƀư ăn ma hađăch klach krit ngăn. Rlau lơn ma nĕ, hađăch lĕ roh nau ktang tâm păng, yorlah păng mâu mâp sông sa ôh tâm du nar jêh ri du măng nây.