Nau Mprơ Ơm 72:9 - Nau Brah Ndu Ngơi 2023

⁹ Phung gŭ tâm bri rdah mra chon mbah tanăp măt hađăch, Jêh ri phung rlăng hađăch mra ler ndruyh neh.

Nau Mprơ Ơm 72:9 ပူးပေါင်းရင်းမြစ်များ

Nau Ntơm 3:14

Yêhôva Brah Ndu nduyh bêh: “Yor may ƀư jêh nau nây Yor ri tâm lĕ rngôch mpô mpa rong jêh ri mpô mpa bri, Knŏng may dơm geh nau rtăp rak; May mra vơr ma ndŭl Jêh ri sa ndruyh neh lĕ du njăr rêh.

I Phung Hađăch 9:18

Balat, jêh ri Tatmôr, tâm bri rdah n'gor nây,

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Nau Mprơ Ơm 110:6

Păng mra phat dôih lĕ bri dak, Ƀư lam ntŭk bêng ma săk jăn bunuyh khĭt; Păng mra jot hăch Lĕ phung mât bôk tâm ăp n'gor bri.

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Nau Mprơ Ơm 22:29

Lĕ rngôch bunuyh ndrŏng ta neh ntu mra sông sa jêh ri mra yơk mbah; Lĕ rngôch phung plơ̆ sĭt tâm neh muy, Jêh ri phung mâu hôm dơi prăp nau rêh păng nơm, Mra chon mon tanăp Păng da dê.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Luka 19:27

Bi ma phung rlăng đah gâp, mâu ŭch gâp chiă uănh khân păng, njŭn leo hom khân păng văch ta aơ jêh ri nkhĭt lơi khân păng tanăp gâp.’ ”