Nau Mprơ Ơm 72:3 - Nau Brah Ndu Ngơi 2023

³ Ăn phung yôk dơi geh nau ndrŏng, Jêh ri lĕ dor yôk djôt nau sŏng srăng ma phung ƀon lan.

Nau Mprơ Ơm 72:3 ပူးပေါင်းရင်းမြစ်များ

Nau Mprơ Ơm 65:12

Ƀư ma ndrêch gơ̆ tâm bri rdah ntop ndrêh ueh Jêh ri dor yôk hâk răm troh maak.

Nau Mprơ Ơm 72:16

Ăn ba mra rmeh ler tâm neh ntu Jêh ri ta klơ lĕ n'gơn yôk; Ăn kao play păng tâm ban ma tơm si Liban, Bi phung gŭ tâm ƀon toyh mra ndrŏng Nâm bu gơ̆ tâm neh.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Êsai 60:17

Gâp mra ăn mah ntrok ma kông, Gâp mra ăn prăk ntrok ma loih, Kông ntrok ma tơm si, Loih ntrok ma lŭ. Gâp mra ƀư ăn nau đăp mpăn mât mray may Jêh ri nau sŏng srăng chiă uănh may.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Yôel 3:18

Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.