Nau Mprơ Ơm 72:2 - Nau Brah Ndu Ngơi 2023

² Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 72:2 ပူးပေါင်းရင်းမြစ်များ

II Samuel 23:3

Brah Ndu phung Israel hŏ ngơi jêh, Lŭ Toyh phung Israel hŏ lah jêh ma gâp: ‘Tơlah du huê chiă uănh bunuyh ma nau sŏng, Chiă uănh ma nau klach yơk ma Brah Ndu

I Phung Hađăch 10:9

Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

I Phung Hađăch 3:28

Tơlah lĕ rngôch phung Israel hŏ tăng nau hađăch phat dôih nây, jêh ri khân păng geh nau yơk ma hađăch, yorlah khân păng saơ pô aơ Brah Ndu hŏ ăn ma hađăch nau gĭt mĭn gay ƀư nau di.

I Nau Rêh Jêng 29:19

Dăn ma Kôranh Brah ăn ma Y-Salômôn, kon gâp, du nuih n'hâm mâu geh bu dơi nduyh djôt prăp lĕ nau vay ntăm, lĕ nau ntĭnh, jêh ri lĕ nau vay dăp bơh May, tâm ban ƀư lĕ kan gay ndâk ngih brah, gâp hŏ rơm nŭm jêh.”

Ndrom Samƀŭt bơh Yôp 34:19

N'hơn lah Nơm mâu gŭ nding mpeh ma phung kôranh, Mâu lĕ uănh khlay ma phung ndrŏng âk lơn ma đah phung o ach, Yorlah lĕ rngôch bơh ti Păng rhăk njêng da dê.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Hôr 29:14

Mbu moh hađăch phat dôih sŏng ăn phung o ach, Pôri sưng hađăch mra dơi nâp n'ho ro.

Êsai 32:1

Aơ, du huê hađăch mra chiă uănh ma nau sŏng srăng, Phung kôranh mra chiă uănh ma nau di.

Êsai 32:17

Ndô ndơ bơh nau sŏng srăng jêng nau đăp mpăn, Play khlay bơh nau sŏng srăng jêng nau đăp rmên jêh ri nau rnơm ƀaƀơ.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 33:15

Tâm lĕ nar nây jêh ri tâm rô̆ nây, Gâp mra ăn du N'gĭng sŏng srăng chăt hon bơh phung Y-Đavit; Nơm nây mra ƀư nau sŏng srăng, nau di tâm bri nĕ.

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.