Nau Mprơ Ơm 72:17 - Nau Brah Ndu Ngơi 2023

¹⁷ Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 72:17 ပူးပေါင်းရင်းမြစ်များ

Nau Ntơm 12:3

Gâp mra ăn nau ueh uĭn ma mbu nơm ăn nau ueh uĭn ma may, Rak rtăp ma mbu nơm rtăp rak may; Lĕ rngôch mpôl băl bunuyh klơ rplay neh Mra yor tă bơh may geh nau ueh uĭn.”

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Nau Rêh Jêng 17:12

Păng yơh mra ndâk du mlâm ngih brah ma Gâp, jêh ri Gâp mra ăn nâp sưng hađăch păng kŏ tât ƀaƀơ n'ho ro.

Nau Mprơ Ơm 21:7

Yor hađăch rnơm nsing ma Brah Yêhôva, Yor ma nau ueh tă bơh Nơm Dŭt Prêh, păng mâu mra mpât n'gơ ôh.

Nau Mprơ Ơm 45:17

Gâp mra ăn amoh may dơi kah gĭt tâm lĕ rnôk; Yor nây, phung mpôl băl bunuyh mra tâm rnê lah ueh ma may ƀaƀơ n'ho ro.

Nau Mprơ Ơm 89:36

Noi deh păng mra hôm n'ho ro, Jêh ri sưng hađăch păng mra gŭ mro nâm bu nar tanăp Gâp.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Luka 1:48

Yorlah Păng hŏ uănh yô̆ jêh kon bunuyh jê̆ lê̆ oh mon bu ur Păng. Aơ, ntơm aƀaơ tât kăndơ̆, lĕ rngôch rnôk mra rnê ma gâp jêng bunuyh geh ueh lăng ngăn;

Kôranh Oh Mon 3:16

Ma nau chroh tâm amoh Păng hŏ ƀư jêh ma nơm khân may hŏ saơ jêh ri gĭt năl nây geh nau nâp ktang. Tâm amoh Păng jêh ri nau chroh tâm Păng hŏ ƀư ăn bunuyh aơ ngăch dăng ueh săk jăn nâm ơm tâm ban ma lĕ rngôch khân may hŏ saơ jêh.

Galati 3:14

gay tâm Yêsu Krist ma nau ueh lăng prăp ma Y-Abraham tât ma phung bu năch, jêh ri ma nau chroh he dơi sŏk dơn nau ton ma Brah Huêng Ueh.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Êphêsô 3:14

Yor nau nây yơh, gâp chon kômâk tanăp Mbơ̆;

Philip 2:10

Gay nôk tăng ma amoh Brah Yêsu, Lĕ kômâk klơ trôk, tâm neh ntu, tâm dâng neh ntu Chon kômâk da dê,

Kôlôh 1:3

Nôk hên mbơh sơm ma khân may, hên tâm rnê ƀa ƀơ ma Brah Ndu, Mbơ̆ Kôranh Brah he jêng Yêsu Krist.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”