Nau Mprơ Ơm 72:10 - Nau Brah Ndu Ngơi 2023

¹⁰ Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Nau Mprơ Ơm 72:10 ပူးပေါင်းရင်းမြစ်များ

Nau Ntơm 10:7

Phung kon bu klâu Y-Kus jêng Y-Sêba, Y-Havila, Y-Sapta, Y-Rama jêh ri Y-Saptêka; phung kon bu klâu Y-Rama jêng Y-Sêba jêh ri Y-Dêdan.

I Phung Hađăch 10:1

Hađăch bu ur n'gor Sêba tăng lư Y-Salômôn yor amoh Brah Yêhôva, păng văch tât gay ŭch rlong uănh Y-Salômôn âk nau hôr dŭt jêr.

I Phung Hađăch 10:10

Jêh nây hađăch bu ur n'gor Sêba nhhơr ma hađăch pe rbăn prao rhiăng kilô mah, jêh ri dŭt âk dak si ƀâu kah n'hanh ma lŭ khlay. Mâu hôm mâp geh ôh bu djôt leo dak si ƀâu kah âk tâm ban hađăch bu ur n'gor Sêba ăn jêh ma hađăch Salômôn.

I Phung Hađăch 10:2

Păng văch tât ma ƀon Yêrusalem nđâp ma phung hăn tĭng âk ngăn, geh âk seh samô rdeng dak si ƀâu kah jêh ri du rnoh mah âk ngăn nđâp ma lŭ khlay. Păng lĕ hăn mâp jêh ma hađăch Salômôn jêh ri lah ma hađăch lĕ rngôch nau păng mĭn tâm trôm nuih n'hâm păng.

I Phung Hađăch 10:25

Mbu hăn mâp hađăch, djôt leo da dê ndơ nhhơr nâm bu: lĕ ndơ dŏng ƀư ma prăk jêh ri ma mah, ao mbâl, ao loih, dak si ƀâu kah, seh jêh ri seh bri.

II Nau Rêh Jêng 9:21

yorlah hađăch geh mpôl kumpăn hăn tât ta Tarsis ndrel ma phung gŭ ƀĭt kumpăn Y-Hiram; tâm pe năm du tơ̆, mpôl kumpăn nây djôt leo sĭt mah, prăk, la rveh, dôk jêh ri brak.

Êsther 10:1

Hađăch Asuêrus nchâp phung ƀon lan tâm n'gor jêh ri lĕ gôl dak mƀŭt chê̆ pi.

Nau Mprơ Ơm 45:12

Kon bu ur ƀon Tyre mra văch djôt ndơ nhhơr Jêh ri phung ndrŏng lơn tâm ƀon lan mra văch dăn nau yô̆ ay.

Nau Mprơ Ơm 68:29

Tă bơh ngih Brah May ta ƀon Yêrusalem, Phung hađăch mra njŭn leo mpa nhhơr ma May.

Nau Mprơ Ơm 68:30

Nduyh lah ma mpa bri rêh gŭ tâm rpho treng, Nduyh lah ma phung ndrôk nkuăng ndrel lĕ ndrôk kon phung ƀon lan Kŏ tât khân păng chon kômâk jêh ri nhhơr lĕ rlay prăk. Dăn May ƀư rai lơi phung mpôl băl bunuyh ŭch ma nau tâm lơh.

Êsai 42:10

Mprơ hom ma Brah Yêhôva du nau mprơ mhe, Nau mprơ tâm rnê ma Păng bơh ntŭk dŭt rplay neh! Ơ phung hăn ta dak mƀŭt, nđâp ma lĕ rngôch mpa tâm păng, Lĕ gôl dak mƀŭt ndrel phung gŭ tâm păng, Rđuh ngrông hom.

Êsai 42:4

Păng mâu mra hŏt rgănh, mâu rdja nuih ôh Kŏ tât nôk Păng ndâk jêh nau di ta klơ neh ntu; Lĕ rngôch gôl dak mƀŭt mra kâp gân nau vay Păng.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 49:7

Brah Yêhôva, Nơm Tâm Chuai jêh ri nơm Kloh Ueh Israel, Lah ma nơm bu rmot ngăn, Ma nơm phung ƀon lan aơ mưch rmot, jêng oh mon ma nơm geh nau dơi toyh: “Phung hađăch mra saơ jêh ri dâk; Phung kon hađăch mra păn mbah, Yorlah Brah Yêhôva jêng Nơm răp jăp, Nơm Kloh Ueh Israel, Nơm săch jêh may.”

Êsai 60:3

Lĕ bri dak mra văch ma nau ang may, Lĕ phung hađăch mra n'gĭl nau ang ơm ôi chrêk lơp may.

Êsai 60:6

Âk râk seh samô mra nkŭm bri neh may, Nđâp ma kon seh samô bơh bri Madian jêh ri bri Êpha; Lĕ rngôch phung bơh Sêba mra văch. Khân păng djôt leo mah jêh ri ndơ ƀâu kah, Jêh ri mra nhhơr nau mprơ tâm rnê ma Brah Yêhôva.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Mathay 2:11

Lăp tâm ngih, khân păng saơ kon se jê̆ ndrel mê̆ Păng H'Mari, khân păng chon mon yơk mbah Păng. Jêh nây khân păng pơk hip ndơ khlay, nhhơr ma Păng lĕ ndơ nhhơr jêng mah, ntăk si ƀâu kah jêh ri dak si tăng.