Nau Mprơ Ơm 71:24 - Nau Brah Ndu Ngơi 2023

²⁴ Ăp nar mpiăt gâp nkoch nau sŏng srăng May Yorlah phung joi ƀư mhĭk ma gâp Lĕ bêk jêh ri bêk prêng ngăn.

Nau Mprơ Ơm 71:24 ပူးပေါင်းရင်းမြစ်များ

Nau Mprơ Ơm 35:28

Pôri mpiăt kon mra mbơh nau sŏng srăng May Jêh ri mprơ tâm rnê ma May ăp nar.

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Mprơ Ơm 70:3

Phung lah pô aơ: “Ha ha! Ha ha!” Ăn khân păng plơ̆ rŭch yor nau bêk prêng.

Nau Mprơ Ơm 71:13

Ăn phung rlăng đah gâp geh nau bêk prêng jêh ri rai yot; Ăn ma phung joi nau ƀư mhĭk ma gâp Geh nau nkŭm ma nau bu mưch jêh ri nau ƀơ̆.

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Mprơ Ơm 71:8

Mbung gâp bêng nau tâm rnê ma May, Gâp vay mât ton May ăp nar.

Nau Mprơ Ơm 92:11

Măt gâp saơ jêh bu rmal phung rlăng gâp Jêh ri tôr gâp tăng nau bu har plơng ma phung ƀư mhĭk đah gâp.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Nau Vay Nkah Tay 11:19

Ăn khân may ntĭm lĕ nau ngơi nây ma phung kon khân may, jêh ri nkah đŏng nôk khân may gŭ tâm vâl tâm ban ma dôl khân may hăn rŏ trong, dôl khân may lâng săk bê̆ch nđâp ma nôk khân may dâk.