Nau Mprơ Ơm 71:22 - Nau Brah Ndu Ngơi 2023

²² Ơ Brah Ndu gâp, gâp mra dŏng gong rêng gay mprơ tâm rnê ma May, Mât ton ma nau răp jăp May. Ơ Nơm Kloh Ueh Israel, Gâp mra dŏng gong rêng gay mprơ tâm rnê ma May.

Nau Mprơ Ơm 71:22 ပူးပေါင်းရင်းမြစ်များ

II Phung Hađăch 19:22

Ma mbu nơm may mưch rmot jêh ri ngơi djơh tât? Ma mbu nơm may nter Jêh ri n'gơr măt ma nau sưr tâm rdâng? Janh tâm rdâng đah Nơm Kloh Ueh phung Israel!

Nau Mprơ Ơm 138:2

Gâp mra yơk mbah mpeh ma ngih brah kloh ueh May, Lah ueh ma amoh May yor nuih n'hâm ueh jêh ri nau răp jăp May. Yorlah Kôranh Brah hŏ ƀư ma nau May ngơi jêh ri amoh May Dơi geh nau yơk lơn đah lĕ rngôch.

Nau Mprơ Ơm 144:9

Ơ Brah Ndu, gâp mra mprơ ma May du nau mprơ mhe, Gâp mra mprơ nau tâm rnê May ma gong rêng loih jât rse.

Nau Mprơ Ơm 25:10

Lĕ rngôch trong Brah Yêhôva jêng nau ueh da dê jêh ri nau nanê̆ ngăn Ma phung djôt prăp nau tâm rnglăp jêh ri nau ntĭnh bơh May.

Nau Mprơ Ơm 33:2

Dŏng gong rêng mprơ tâm rnê hom ma Brah Yêhôva; Dŏng gong rêng loih jât rse mprơ tâm rnê hom ma Păng!

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 56:4

Kon rnơm ma Brah Ndu mprơ tâm rnê ma nau Păng ngơi; Gâp dơm lĕ nau rnơm tâm Brah Ndu yor nây mâu hôm klach ôh. Bunuyh tâm nglay săk, moh ndơ dơi ƀư ma gâp?

Nau Mprơ Ơm 78:41

Khân păng ƀaƀơ nau rlong uănh Brah Ndu, Ƀư rmanh Nơm Kloh Ueh Israel.

Nau Mprơ Ơm 89:1

Gâp mra mprơ ƀaƀơ ma nau ueh Brah Yêhôva, Bâr mbung gâp mra mbơh nau răp jăp May bơh rnôk aơ tât rnôk ri.

Nau Mprơ Ơm 89:18

Yorlah Brah Yêhôva jêng khêl ma hên, Nơm kloh ueh Israel jêng Hađăch hên.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Nau Mprơ Ơm 98:4

Ơ lĕ rngôch neh ntu, sŏk hom bâr troh maak ma Brah Yêhôva, Jêh ri mprơ mât ton ma Păng.

Nau Mprơ Ơm 98:5

Sŏk hom gong rêng jêh ri bâr mprơ Gay mât ton tâm rnê ma Brah Yêhôva!

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 5:16

Ƀiălah Brah Yêhôva ma phung tahan geh nau n'hao tâm nau phat dôih, Brah Ndu jêng Nơm Kloh Ueh mra tâm mpơl Păng jêng nơm kloh ueh tâm nau sŏng srăng.

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 60:9

Lĕ gôl dak mƀŭt mra kâp gân Gâp; Mpôl kumpăn bơh bri Tarsis văch lor lơn mra njŭn phung kon may bơh ngai plơ̆ sĭt, Ndrel ma prăk jêh ri mah khân păng, Gay ma tâm rnê amoh Yêhôva Brah Ndu may, Nơm Kloh Ueh Israel, Yorlah Păng ăn jêh nau chrêk rmah ma may.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Samƀŭt Pôl Njuăl Ăn Ma Phung Nsing Ta Ƀon Rôm 15:8

Gâp lah, Brah Krist jêng nau ngăn Brah Ndu, ƀiălah plơ̆ jêng oh mon ma phung bunuyh koh ntâu, gay ƀư n'hêl nanê̆ lĕ nau ton ăn jêh ma phung chô yau,