Nau Mprơ Ơm 71:2 - Nau Brah Ndu Ngơi 2023

² Dăn sŏk nau sŏng srăng May tâm chuai gâp jêh ri rklaih gâp; Rkêng tôr May ma gâp, jêh ri tâm rklaih gâp.

Nau Mprơ Ơm 71:2 ပူးပေါင်းရင်းမြစ်များ

Nau Mprơ Ơm 143:1

Ơ Brah Yêhôva, iăt hom nau gâp mbơh sơm, Rkêng hom tôr iăt nau gâp vơl dăn; Yor nau răp jăp jêh ri nau sŏng srăng May Dăn plơ̆ sǐt lah ma gâp.

Nau Mprơ Ơm 143:11

Ơ Brah Yêhôva, yorlah amoh May, ƀư rêh hom gâp; Tâm nau sŏng srăng May, mphâk lơi huêng gâp bơh nau uh ah.

Nau Mprơ Ơm 17:2

Ăn Kôranh Brah koh dŏng nau di ma gâp; Dăn măt May sek uănh ma nau sŏng.

Nau Mprơ Ơm 17:6

Ơ Brah Ndu, gâp mbơh sơm ma May yorlah May mra dơn nau gâp. Dăn Kôranh Brah rkêng tôr iăt nau gâp mbơh sơm.

Nau Mprơ Ơm 31:1

Ơ Brah Yêhôva, gâp gŭ krap tâm May; Lơi ăn gâp mâp nau bêk prêng ôh; Dăn sŏk nau sŏng srăng May jêh ri tâm rklaih gâp.

Nau Mprơ Ơm 31:2

Dăn Kôranh Brah rkêng tôr iăt ma gâp, Văch gơnh tâm rklaih gâp. Ƀư lŭ toyh ăn ma gâp nde krap, Du pôih nâp ktang gay ma rklaih gâp.

Nau Mprơ Ơm 34:15

Măt Brah Yêhôva treng uănh ma phung sŏng srăng, Tôr Păng iăt bâr khân păng nter kuăl.

Nau Mprơ Ơm 43:1

Ơ Brah Ndu! Dăn phat dôih ma gâp, Jêh ri koh dŏng nau gâp tâm rdâng đah du huê phung mâu chroh; Tâm rklaih hom gâp Bơh phung bunuyh ndơm jêh ri djơh mhĭk.

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

I Kôrintô 10:13

Lĕ nau rlong uănh tât ma khân may, mâu geh du ntil nau rlau ir nau dăng kon bunuyh. Brah Ndu jêng Nơm răp jăp, Păng mâu ăn ma khân may geh nau rlong uănh rlau ir ma n'hâm ktang khân may ôh! Ƀiălah tâm nau rlong uănh, Păng mra pơk trong ma khân may luh, gay ma khân may dơi dơn.