Nau Mprơ Ơm 71:18 - Nau Brah Ndu Ngơi 2023

¹⁸ Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Mprơ Ơm 71:18 ပူးပေါင်းရင်းမြစ်များ

Nau Ntơm 27:1

Y-Isăk ranh jêh, măt ngo mâu hôm dơi saơ ôh. Păng kuăl Y-Êsau, kon bu klâu bôk rah, jêh ri lah: “Hơi nâu!” Y-Êsau ơh: “Gâp ta aơ.”

Nau Mprơ Ơm 22:31

Noi deh nây mra mbơh nau sŏng srăng Păng; Nkoch tay ma rơh kăndơ̆ pô aơ Brah Yêhôva hŏ ƀư jêh nau nây.

Nau Mprơ Ơm 48:14

Pô aơ: “Aơ Brah Ndu, Jêng Brah Ndu he kŏ tât n'ho ro dŭt ngăn; Păng mra njŭn leo he kŏ tât lôch du njăr rêh.”

Nau Mprơ Ơm 71:9

Lơi ta May chalơi gâp tâm rnôk lĕ ranh; Lơi ta du ngai bơh gâp tơlah nau ktang lĕ huănh hươi.

Nau Mprơ Ơm 78:4

He mâu mra pôn ôh lĕ nau nây ma phung kon sau he, Ƀiălah mra nkoch ma phung pakơi tâm nar kăndơ̆ Nau chrêk rmah Brah Yêhôva ndrel nau brah Păng Jêh ri lĕ nau kan khlay Păng ƀư jêh.

Nau Mprơ Ơm 78:6

Gay ma phung kăndơ̆, Nây jêng phung kon sau bu mra deh, gĭt nau nây, Jêh ri tât rơh khân păng, khân păng mra nkoch ma kon sau khân păng,

Nau Ngluh Êjipt 13:8

Tâm nar nây, ăn khân may rblang ma kon bu klâu khân may: ‘Gâp ƀư kơt nây yor lĕ nau Brah Yêhôva ƀư ueh jêh ma gâp nôk gâp du luh bơh n'gor Êjipt.’

Êsai 46:4

Kŏ tât khân may ranh, sŏk tâm bôk luh ndra, Gâp jêng Nơm anh khân may ƀaƀơ. Gâp hŏ njêng jêh, jêh ri Gâp mra ut ra-u; Gâp mra anh jêh ri rklaih khân may.

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Êsai 53:1

Mbu nơm chroh jêh nau hŏ mbơh nkoch ma he? Jêh ri ti Brah Yêhôva mpơl ma mbu nơm?

Kôranh Oh Mon 13:36

Ƀiălah jêh pah kan ma nau Brah Ndu ŭch tâm rnôk rô̆ păng nơm, hađăch Đavit lĕ khĭt jêh, bu tâp păng êp ta meng phung chô yau păng nơm jêh ri păng hŏ saơ nau ôm rai jêh;

I Samuel 4:15

Nôk nây, Y-Êli hŏ geh sĭn jât ma pham năm jêh, măt păng lĕ chieh jêh, mâu hôm dơi saơ ôh.

I Samuel 4:18

Bunuyh nây mhe lah ma Hip Nau Tâm Rnglăp Brah Ndu, Y-Êli cha lôt plơ̆ nkơi tă bơh rnơl păng ta meng mpông sâng, pă nko lêr jêh ri khĭt; yorlah păng hŏ ranh huơi jêh ri jâk rgănh. Păng hŏ ƀư kan phat dôih ma phung Israel tâm puăn jât năm.