Nau Mprơ Ơm 71:13 - Nau Brah Ndu Ngơi 2023

¹³ Ăn phung rlăng đah gâp geh nau bêk prêng jêh ri rai yot; Ăn ma phung joi nau ƀư mhĭk ma gâp Geh nau nkŭm ma nau bu mưch jêh ri nau ƀơ̆.

Nau Mprơ Ơm 71:13 ပူးပေါင်းရင်းမြစ်များ

Êsther 9:2

Phung Yuđa tâm rgum tâm lĕ ƀon khân păng lam lĕ n'gor hađăch Asuêrus, gay yơr ti rduh lơh ma phung ŭch ƀư roh lơi ma khân păng. Mâu geh bunuyh dơi tâm rdâng đah khân păng yorlah lĕ ntil mpôl bunuyh klach ngăn ma phung Yuđa.

Nau Mprơ Ơm 109:29

Ăn phung rlăng đah gâp nsoh nau bêk. Nau bêk prêng nkŭm khân păng nâm bu ao.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Nau Mprơ Ơm 35:4

Ăn phung joi ƀư mhĭk nau rêh gâp Mra geh nau bêk prêng jêh ri bu tâm rmot; Phung ŭch ƀư mhĭk ma gâp Mra plơ̆ rŭch jêh ri bêk prêng.

Nau Mprơ Ơm 6:10

Lĕ phung rlăng đah gâp mra bêk prêng jêh ri klach krit; Khân păng plơ̆ rŭch ndal, nau đit ƀât lât.

Nau Mprơ Ơm 70:3

Phung lah pô aơ: “Ha ha! Ha ha!” Ăn khân păng plơ̆ rŭch yor nau bêk prêng.

Nau Mprơ Ơm 71:24

Ăp nar mpiăt gâp nkoch nau sŏng srăng May Yorlah phung joi ƀư mhĭk ma gâp Lĕ bêk jêh ri bêk prêng ngăn.

Êsai 41:11

Aơ, lĕ rngôch phung ji nuih đah may Mra geh nau bêk prêng jêh ri bu mưch. Phung tâm rdâng đah may Mra jêng dơm dam jêh ri rai yot.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.