Nau Mprơ Ơm 70:4 - Nau Brah Ndu Ngơi 2023

⁴ Ăn lĕ rngôch mbu nơm joi May Geh nau răm maak, hâk răm tâm May; Ăn phung rŏng ma nau May tâm rklaih Lah mro pô aơ: “Brah Ndu dŭt toyh ngăn!”

Nau Mprơ Ơm 70:4 ပူးပေါင်းရင်းမြစ်များ

Nau Mprơ Ơm 35:27

Bi ma nơm koh dŏng nau sŏng srăng ma gâp, Mra răm maak hâk răm; Jêh ri ngơi ƀaƀơ: “Brah Yêhôva dŭt toyh! Păng maak ăn nau ndrŏng ma phung oh mon Păng.”

Nau Mprơ Ơm 40:16

Ăn lĕ rngôch phung joi May Geh nau răm maak jêh ri hâk răm tâm May; Ăn phung rŏng ma nau May tâm rklaih Lah mro pô aơ: “Brah Yêhôva dŭt toyh ngăn!”

Nau Mprơ Ơm 5:11

Ăn ma lĕ rngôch phung rnơm nơm ma Kôranh Brah dơi gŭ maak, Troh bâr răm maak ƀaƀơ, Yorlah Kôranh Brah king n'gang lĕ bunuyh nây. Bunuyh rŏng ma amoh Kôranh Brah mra geh nau răm maak đŏng tâm May.

Nau Mprơ Ơm 97:12

Ơ phung sŏng srăng, maak hom tâm Brah Yêhôva! Jêh ri tâm rnê lah ueh tâm amoh kloh ueh Păng.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Nau Nhĭm Vơl 3:25

Brah Yêhôva mpơh nau ueh ăn ma phung kâp gân Păng, Ndrel ma mbu huêng tĭng joi Păng.

Yôhan 16:20

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.