Nau Mprơ Ơm 7:8 - Nau Brah Ndu Ngơi 2023

⁸ Brah Yêhôva phat dôih mpôl băl bunuyh. Ơ Brah Yêhôva, dăn phat dôih ma gâp tĭng nau sŏng srăng gâp Jêh ri tĭng nau kloh ta nuih n'hâm gâp.

Nau Mprơ Ơm 7:8 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Nau Ntơm 31:53

Dăn Brah Ndu Y-Abraham jêh ri Brah Ndu Y-Nahôr phat dôih ta nklang ndrăng he!” Y-Yakôb tâm amoh Nơm mbơ̆ păng jêng Y-Isăk klach yơk jêh ri păng ton,

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

Nau Mprơ Ơm 11:4

Brah Yêhôva gŭ tâm ngih brah kloh ueh Păng; Sưng hađăch Păng gŭ tâm trôk. Măt Păng uănh, Sâng măt Păng sek uănh phung kon bunuyh.

Nau Mprơ Ơm 25:21

Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 26:11

Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

Nau Mprơ Ơm 41:12

May kuăn rdâng gâp yor nau sŏng gâp; May njêng gâp gŭ nâp tanăp May n'ho ro.

Nau Mprơ Ơm 43:1

Ơ Brah Ndu! Dăn phat dôih ma gâp, Jêh ri koh dŏng nau gâp tâm rdâng đah du huê phung mâu chroh; Tâm rklaih hom gâp Bơh phung bunuyh ndơm jêh ri djơh mhĭk.

Nau Mprơ Ơm 78:72

Y-Đavit mât chiăp khân păng ma nuih n'hâm sŏng, Njŭn leo khân păng ma ti gĭt blau.

Nau Mprơ Ơm 82:1

Brah Ndu gŭ tâm nau phung Păng tâm rƀŭn; Păng phat dôih ta nklang phung brah:

Nau Mprơ Ơm 9:8

Păng mra phat dôih neh ntu tĭng nau sŏng srăng, Sŏk nau di jêh ri phat dôih phung ƀon lan.

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Nau Hôr 19:1

Ueh lơn jêng bunuyh o ach gŭ ngao mơih rmên, Rlau lơn jêng bunuyh geh bâr mbung mƀruh, jêng bunuyh rluk.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.