Nau Mprơ Ơm 7:6 - Nau Brah Ndu Ngơi 2023

⁶ Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 7:6 ပူးပေါင်းရင်းမြစ်များ

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

Nau Mprơ Ơm 103:6

Brah Yêhôva ƀư nau sŏng srăng Jêh ri ƀư nau di ma lĕ rngôch phung bu tŭn jot.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Nau Mprơ Ơm 143:3

Nơm rlăng hăn tĭng huêng gâp, Jot plên nau rêh gâp ta neh; Păng ƀư ma gâp gŭ tâm ntŭk ngo, nâm bu phung khĭt bơh jŏ jêh.

Nau Mprơ Ơm 3:7

Ơ Brah Yêhôva, dăn tâm rklaih gâp! Ơ Brah Ndu gâp, tâm rklaih hom gâp! Yorlah Kôranh tap ta trô bom lĕ rngôch phung rlăng gâp Jêh ri nkê̆ch pă sêk phung mhĭk.

Nau Mprơ Ơm 35:1

Ơ Brah Yêhôva, dăn tâm rlăch đah phung tâm rlăch đah gâp, Dăn tâm lơh đah phung tâm lơh tâm rdâng đah gâp.

Nau Mprơ Ơm 35:23

Ơ Brah Ndu jêng Kôranh Brah gâp! Dăn kah rngăl jêh ri dâk hom gay ma koh dŏng gâp.

Nau Mprơ Ơm 44:23

Ơ Kôranh Brah, kah rngăl hom! Mâm ƀư May bê̆ch? Ăn dâk hom, lơi ta chalơi ma hên mro mrăng ôh!

Nau Mprơ Ơm 44:26

Ăn May dâk hom gay ma sâm kơl hên; Tâm chuai hên yor nau nuih n'hâm ueh May.

Nau Mprơ Ơm 59:5

Ơ Brah Ndu ma phung tahan, jêng Brah Ndu phung Israel. Dâk hom gay tâm rmal lĕ bri dak; Lơi ta yô̆ nđach ma phung ƀư mhĭk, mâu gŭ răp jăp. (Sêla)

Nau Mprơ Ơm 73:20

Ơ Kôranh Brah, tâm ban bu uănh mâu khlay nau mbơi tơlah kah rngăl, Pôri May ăt nsot lơi gui rup khân păng tơlah May kah rngăl kơt nây.

Nau Mprơ Ơm 74:3

Ăn May chuat tât rlau lĕ rngôch ntŭk rlâm rai lĕ: Phung rlăng ƀư rai lĕ jêh lĕ rngôch ndô ndơ tâm ntŭk kloh ueh.

Nau Mprơ Ơm 78:65

Aƀaơ aơ, Kôranh Brah nâm bu bunuyh kah rngăl bê̆ch, Nâm bu du huê janh ktang dơi đah nhŭl ndrănh.

Êsai 3:13

Brah Yêhôva dâk gay tâm rlăch nchră, Păng gŭ râng gay phat dôih phung ƀon lan.

Êsai 33:10

Brah Yêhôva lah: “Aƀaơ, Gâp mra dâk; Aƀaơ, Gâp mra tâm rnê êng Gâp nơm; Aƀaơ, Gâp mra geh nau mât ton!

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?