Nau Mprơ Ơm 7:17 - Nau Brah Ndu Ngơi 2023

¹⁷ Gâp mra nsĭt lah ma Brah Yêhôva ma nau sŏng srăng Păng, Gâp mra mprơ tâm rnê ma amoh Brah Yêhôva jêng Nơm Dŭt Prêh.

Nau Mprơ Ơm 7:17 ပူးပေါင်းရင်းမြစ်များ

II Samuel 3:29

Ăn mham nây nkhŭt tay ta klơ bôk Y-Jôap jêh ri ta klơ lĕ ngih mbơ̆ păng! Ăn ngih Y-Jôap mâu tăch yơt ôh bunuyh ji kuet ji rôi, mâu lah nau ji phŭng, mâu lah phung knŏng gĭt ƀư nau kan phung bu ur, mâu lah cha lôt khĭt ma đao, mâu lah nau ji ngot yor pưt sông sa!”

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Nau Mprơ Ơm 111:3

Kan Păng bêng nau chrêk rmah jêh ri nau rnam; Nau sŏng srăng Păng hôm gŭ n'ho ro.

Nau Mprơ Ơm 140:10

Ăn sa ônh rnga nkhŭt ta klơ khân păng! Ăn bu klŭp khân păng tâm ŭnh, Tâm ntu jru, ta nây khân păng mâu hôm dơi dâk ôh!

Nau Mprơ Ơm 145:7

Bu mra kah gĭt nkoch ndray ma nau ueh May mâu blau lôch, Jêh ri mra mprơ troh rhơn ma nau sŏng srăng May.

Nau Mprơ Ơm 35:28

Pôri mpiăt kon mra mbơh nau sŏng srăng May Jêh ri mprơ tâm rnê ma May ăp nar.

Nau Mprơ Ơm 51:14

Ơ Brah Ndu, tâm rklaih gâp bơh nau ƀư tih nkhŭt mham Ơ Brah Ndu ma nau tâm rklaih gâp, Mpiăt gâp mra mprơ tâm rnê ma nau sŏng srăng May.

Nau Mprơ Ơm 9:2

Ơ Nơm Dŭt Prêh, Gâp mra hâk maak jêh ri răm rhơn tâm May; Gâp mra mprơ tâm rnê ma amoh May.

Nau Mprơ Ơm 92:1

Ơ Nơm Dŭt Prêh, ueh dŭt n'hâm ngăn tơlah mprơ tâm rnê Brah Yêhôva Jêh ri tâm rnê ma amoh May;

Nau Mprơ Ơm 92:8

Ƀiălah ơ Brah Yêhôva, May dơi geh nau yơk mro mrăng.

Nau Mprơ Ơm 98:2

Brah Yêhôva mbơh jêh nau Păng tâm rklaih Jêh ri tâm mpơl nau sŏng srăng Păng tanăp măt lĕ bri dak.

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Kôranh Oh Mon 7:48

Ƀiălah Nơm Dŭt Prêh mâu gŭ ôh tâm ngih ƀư ma ti bunuyh, tĭng nâm nau nơm mbơh lor ngơi jêh:

Phung Kôranh Phat Dôih 9:24

Nau aơ dơi tât gay plơng har nau tih nkhĭt bunuyh yor păng hŏ ƀư tih jêh đah pơh jât nuyh kon bu klâu Y-Jêrubaal, jêh ri ƀư ăn mham khân păng tŏ ta klơ Y-Abimêlek, jêng bunuyh hŏ nkhĭt oh nâu khân păng, jêh ri tŏ mham ndrel ta klơ phung kôranh chiă uănh ƀon toyh Sichem yorlah hŏ kơl păng tâm nkhĭt ndrăng oh nâu khân păng nơm.

Phung Kôranh Phat Dôih 9:57

Brah Ndu tâm ban đŏng mplơ̆ plơng ma phung ƀon lan ƀon toyh Sichem yor lĕ rngôch nau djơh khân păng ƀư jêh. Nau mhĭk ăn tât klơ bôk khân păng di nâm nau rak rtăp Y-Jôtham, kon bu klâu Y-Jêrubaal.