Nau Mprơ Ơm 7:16 - Nau Brah Ndu Ngơi 2023

¹⁶ Nau tih mhĭk păng mra nkhŭt ta klơ bôk păng. Jêh ri nau rêh ni mra tŭp ta klơ ndăr kleng păng nơm.

Nau Mprơ Ơm 7:16 ပူးပေါင်းရင်းမြစ်များ

I Phung Hađăch 2:32

Brah Yêhôva mra ƀư ăn ma mham păng nkhŭt tay ta klơ bôk păng, yorlah păng hŏ rduh dăch bar hê bunuyh sŏng srăng jêh ri ueh lơn ma păng, nkhĭt khân păng ma đao, ƀiălah Y-Đavit, mbơ̆ gâp, mâu gĭt du ntil ndơ ôh; nây jêng Y-Apner, kon Y-Ner, kôranh chiă uănh tahan Israel, jêh ri Y-Amasa, kon Y-Jêther, kôranh chiă uănh tahan Yuđa.

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

Êsther 7:10

Pônây, bu yông trô ko Y-Haman ta tơm si yông trô ko păng nơm hŏ ndâk jêh ma Y-Môrdêkai. Jêh nây nau hađăch ji nuih aih jêh.

Êsther 9:25

Ƀiălah tơlah nau nây tât tôr hađăch, hađăch ăn samƀŭt nau ntrŭnh pô aơ lĕ nau nchră djơh mhĭk bơh Y-Haman mĭn ŭch ƀư mhĭk ma phung Yuđa mra mplơ̆ sĭt ma bôk păng nơm. Bu yông trô ko păng nđâp ma phung kon bu klâu păng ta tơm si yông trô ko.

Ndrom Samƀŭt bơh Yôp 4:8

Tĭng nau gâp saơ, mbu nơm chuar nau djơh mhĭk Jêh ri srih nau rŭng răng mra rek păng kơt nĕ.

Nau Mprơ Ơm 141:10

Ăn phung ƀai prah tâm nhuăl khân păng hŏ nthăng Bi gâp dơi klaih jêh.

Nau Mprơ Ơm 35:8

Ăn nau rai yot tât ndal, Ƀư ma khân păng geh văk nhuăl khân păng nơm nthăng; Jêh ri khân păng tŭp tâm ntŭk rai yot.

Nau Mprơ Ơm 36:12

Ri, phung ƀư nau mhĭk cha lôt prah; Khân păng chôt rlơt, mâu hôm dơi dâk ôh.

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 57:7

Ơ Brah Ndu, nuih n'hâm gâp nâp, Nuih n'hâm gâp nâp; Gâp mra mprơ jêh ri ma bâr mprơ tâm rnê.

Nau Mprơ Ơm 9:16

Brah Yêhôva tâm mpơl êng Păng Nơm rgăn đah nau di; Phung mhĭk geh dăk yor ti khân păng nơm sân jêh. (Higaiôn. Sêla)

Nau Hôr 1:19

Nây jêng nau ơm nal ma phung kơnh sa drăp ndơ mâu geh nau sŏng; Phung geh drăp ndơ nây mra ƀư roh nau rêh khân păng nơm.

Nau Hôr 26:27

Mbu nơm kuyh ntu mra tŭp tâm ntu nây; Mbu nơm rlă lŭ, lŭ plơ̆ tŭn tay.

Nơm Nti 10:8

Nơm kuyh ntu mra tŭp tâm ntu, Bi nơm ƀư rai mpir mra bêh chôk.

I Samuel 23:9

Ƀiălah Y-Đavit gĭt pô aơ Y-Sôl chră ŭch ƀư mhĭk ma păng, păng lah ma kôranh ƀư brah Y-Abiathar: “Djôt leo hom êphôt văch ta aơ.”

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.

I Samuel 28:19

Rlau lơn ma nây, Brah Yêhôva mra jao phung Israel nđâp ma may đŏng tâm ti phung Philistin. Nar ôi taơ, may jêh ri phung kon bu klâu may mra gŭ du ntŭk ndrel gâp. Brah Yêhôva tâm ban lĕ mra jao phung tahan Israel tâm ti phung Philistin.”