Nau Mprơ Ơm 7:12 - Nau Brah Ndu Ngơi 2023

¹² Tơlah du huê bunuyh mâu rmal ôh nau tih, pôri Brah Ndu mra tôl đao; Păng van na gŭ kâp.

Nau Mprơ Ơm 7:12 ပူးပေါင်းရင်းမြစ်များ

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Nau Mprơ Ơm 129:4

Brah Yêhôva jêng sŏng srăng; Păng hŏ koh jêh rse phung ƀai kât.

Nau Mprơ Ơm 85:4

Ơ Brah Ndu jêng nau tâm rklaih hên, Dăn rdâk njêng hên jêh ri nsrŭng nau ji nuih ta klơ hên.

Nau Mprơ Ơm 9:5

Kôranh Brah hŏ nduyh jêh lĕ bri dak, ƀư rai phung mhĭk, Lâm lĕ n'ho ro amoh khân păng.

Êsai 27:1

Tâm nar nây, Brah Yêhôva mra dŏng đao dăng, toyh jêh ri ktang Gay ma tâm rmal Lêviathan jêng bêh du ngăch, Tâm rmal Lêviathan jêng bêh kue kuăt; Jêh ri Păng mra nkhĭt mpa djơh gŭ tâm dak mƀŭt.

Êsai 34:5

Yorlah đao Gâp gŭ tâm trôk hŏ nhêt mpay jêh; Aơ, păng mra jŭr ŭch phat dôih bri Êđôm, Ma phung ƀon lan Gâp hŏ jao ma nau rai lôch gay phat dôih.

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 21:23

Geh nau Brah Yêhôva lah ma Gâp:

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Mathay 3:10

Du mlâm sung hŏ dơm jêh ta reh tơm si, si mâu geh play ueh bu mra kăl lơi jêh ri klŭp mƀăr tâm ŭnh.

Kôranh Oh Mon 3:19

Pôri, khân may rmal hom nau tih jêh ri plơ̆ sĭt ma Brah Ndu gay ma nau tih khân ay may mra dơi lâm lơi,

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.