Nau Mprơ Ơm 69:8 - Nau Brah Ndu Ngơi 2023

⁸ Gâp jêng du huê bu êng đah phung oh nâu gâp, Jêng du huê bu năch đah phung kon bu klâu mê̆ gâp.

Nau Mprơ Ơm 69:8 ပူးပေါင်းရင်းမြစ်များ

Nau Mprơ Ơm 31:11

Đah phung rlăng, gâp jêng nau bêk prêng, Đah phung chiau meng, gâp jêng nơm khư nau bu mưch; Đah lĕ bunuyh bên năl, gâp jêng ndơ klach ngăn, Mbu nơm saơ gâp rŏ trong ăt mra du ngai.

Nau Mprơ Ơm 38:11

Dôl gâp mâp nau mhĭk tât, lĕ noi deh, phung mĭt jiăng du ngai đah gâp, Phung mpôl băl ăt gŭ ngai ma gâp.

Nau Mprơ Ơm 89:51

Ơ Brah Yêhôva, nây jêng nau bêk phung rlăng May dŏng jêh Gay ƀư nau bêk ăp nhuat bunuyh May troch jêh dak ngi.

Nau Mprơ Ơm 89:52

Khư mât ton tâm rnê Brah Yêhôva n'ho ro! Amen! Amen!

Êsai 50:6

Gâp jao jêh ndŭr kơi Gâp ăn bu dong, Jêh ri jao trô bom Gâp ma phung păk têp kang Gâp; Gâp mâu mâp pôn măt Ma nau bu ƀư bêk mâu lah bu soh dak diu ta măt.

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Êsai 53:4

Nanê̆, Păng tuy jêh nau ji kuet he, Păng anh jêh nau rngot klâng he Ƀiălah he mĭn Păng tâm ban ma nơm Brah Ndu lơh, dong Jêh ri ƀư rêh ni.

Yêrêmi 15:15

Ơ Brah Yêhôva! May gĭt rah vah; Dăn kah gĭt tât ma gâp jêh ri chop khâl gâp, Dăn har plơng bôk ma phung ƀư mhĭk ma gâp. Dăn nsrôih gay ma lơi ta mƀăr gâp ôh; Dăn gĭt pô aơ gâp yor May dơn nau mhĭk!

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

Yôhan 1:11

Păng hŏ văch tâm bri dak Păng nơm, ƀiălah phung ƀon lan Păng mâu ŭch rom dơn Păng ôh.

Yôhan 7:5

Nđâp ma phung oh Păng ăt mâu hŏ chroh ma Păng ôh.

I Samuel 17:28

Ƀiălah Y-Êliap, nâu ranh păng, tăng Y-Đavit ngơi pônây, ji nuih ma păng, jêh ri lah: “Mâm ƀư may tât ta aơ? Ma mbu nơm may lơi ăn biăp he djê̆ lê̆ tâm bri rdah? Gâp gĭt nau sưr jêh ri nau mhĭk tâm nuih n'hâm may. Yorlah may hăn văch ta aơ gay ŭch saơ nau tâm lơh.”