Nau Mprơ Ơm 69:4 - Nau Brah Ndu Ngơi 2023

⁴ Phung ji nuih ma gâp mâu geh nau Âk lơn ma sŏk ta klơ bôk gâp; Phung rlăng janh ktang mâu geh nau ŭch ƀư ƀai ma gâp; Bu đă gâp ntrok ndơ gâp mâu mâp ntŭng.

Nau Mprơ Ơm 69:4 ပူးပေါင်းရင်းမြစ်များ

Nau Mprơ Ơm 35:19

Lơi ăn phung rlăng đah gâp jêng phung mƀruh nchơt geh nau răm maak. Mâu ăn lĕ phung rmot ma gâp mâu geh nô nau ntơ̆ măt lôr ndăng ma gâp.

Nau Mprơ Ơm 40:12

Yorlah geh âk ngăn nau mhĭk tât Hŏ nchueng jŭm gâp; Nau mhĭk gâp hŏ tĭng ban jêh gâp Kŏ tât gâp mâu nănh n'gơr măt ôh; Khân păng âk lơn sŏk ta klơ bôk gâp, Ăn nuih n'hâm gâp krit ngăn.

Nau Mprơ Ơm 59:3

Yorlah khân păng dôl gŭ kâp gay ƀư rai nau rêh gâp; Ơ Brah Yêhôva! Phung janh ƀai tâm rgum gay tâm rdâng đah gâp Nđâp tơlah gâp mâu tâm rdâng mâu lĕ du ntil ƀư tih.

Nau Mprơ Ơm 6:7

Măt kon tât chăng rhŏnh yor ma nau rngot, Lơ hâu huăr yor ma phung rlăng đah gâp.

Yôhan 15:25

Pôri yơh, nau bu nchih jêh tâm nau vay khân păng dơi tât di ngăn: ‘Khân păng tâm rmot ma Gâp mâu geh nau.’

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;