Nau Mprơ Ơm 69:27 - Nau Brah Ndu Ngơi 2023

²⁷ Dăn Kôranh Brah tâm rmal nau tih dăp bun khân păng; Lơi ăn khân păng dơn geh nau sŏng srăng May.

Nau Mprơ Ơm 69:27 ပူးပေါင်းရင်းမြစ်များ

Nêhêmi 4:5

Lơi ta nkŭm nking nau djơh mhĭk khân păng mâu lah jut lơi nau tih khân păng tă bơh tanăp măt Kôranh Brah, yorlah khân păng hŏ nsônh nau ji nuih Kôranh Brah tanăp măt ma phung ndâk nkra.

Ndrom Samƀŭt bơh Yôp 19:22

Mâm ƀư khân may tĭng groi gâp nâm bu Brah Ndu? Ê hŏ dĭl puăch gâp bơh?

Nau Mprơ Ơm 109:14

Ăn bu nkah tay lĕ nau mhĭk phung chô yau păng tanăp măt Brah Yêhôva; Nau tih me păng bu mâu jut lơi ôh.

Nau Mprơ Ơm 24:5

Bunuyh nây mra dơn nau ueh uĭn tă bơh Brah Yêhôva Jêh ri nau sŏng srăng tă bơh Brah Ndu jêng Nơm tâm rklaih păng.

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Ngluh Êjipt 8:32

Ƀiălah tal aơ, Pharaôn ăt dăng tay nuih n'hâm, mâu ăn phung ƀon lan dâk hăn.

Nau Ngluh Êjipt 9:12

Brah Yêhôva ƀư dăng nuih n'hâm Pharaôn, mâu iăt ôh nau Y-Môis jêh ri Y-Arôn, di tĭng nâm nau Brah Yêhôva lah jêh ma Y-Môis.

Êsai 26:10

Nđâp lah dơi dơn nau yô̆, Nơm ƀai mâu nti nau sŏng srăng ôh. Rêh tâm bri sŏng, păng lŏ ƀư nau mhĭk, Jêh ri mâu saơ ôh nau rnam Brah Yêhôva.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 53:4

Nanê̆, Păng tuy jêh nau ji kuet he, Păng anh jêh nau rngot klâng he Ƀiălah he mĭn Păng tâm ban ma nơm Brah Ndu lơh, dong Jêh ri ƀư rêh ni.

Kan Lêvi 26:39

Mbu nơm tâm phung khân may hôm rêh mra rngot tâm n'gor phung rlăng yor nau djơh mhĭk khân păng nơm. Yor nau djơh mhĭk phung chô yau khân păng, khân păng mra rngot tâm n'gor phung rlăng tâm ban ma phung chô yau khân păng nơm.

Mathay 21:19

Saơ du tơm rvi ta trong, Păng hăn dăch tơm nây, ƀiălah mâu saơ play knŏng n'ha dơm. Păng lah ma tơm play nây: “May mâu mra hôm play đŏng ôh!” Tơm rvi kro ro.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 9:18

Nâm bu pônây, Brah Ndu ŭch yô̆ nđach ma mbu nơm Păng yô̆ nđach, Mbu nơm Păng ŭch ƀư dăng nuih n'hâm Păng mra ƀư.

Samƀŭt Pôl Njuăl Ăn Ma Phung Nsing Ta Ƀon Rôm 9:31

bi phung Israel hŏ srôih nsing tĭng nau vay gay ma joi nau sŏng srăng, khân păng mâu ƀư nŭm nau vay.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.