Nau Mprơ Ơm 69:26 - Nau Brah Ndu Ngơi 2023

²⁶ Yorlah khân păng ƀư mhĭk jêh ma nơm May dong Jêh ri khân păng nkoch tay nau rêh ni phung May ƀư sôt rmanh jêh.

Nau Mprơ Ơm 69:26 ပူးပေါင်းရင်းမြစ်များ

II Nau Rêh Jêng 28:9

Geh ta nây, du huê nơm mbơh lor Brah Yêhôva amoh Y-Ôdet. Păng hăn mâp phung tahan dôl plơ̆ sĭt bơh Samari, jêh ri lah ma khân păng: “Aơ, Yêhôva Brah Ndu phung che khân may hao ji nuih ma phung Yuđa yor ri Păng jao khân păng tâm ti khân may, jêh ri khân may nkhĭt khân păng ma nau ji nuih, nau nây lư n'hôl tât trôk.

Ndrom Samƀŭt bơh Yôp 30:13

Khân păng ƀư rai trong gâp du luh, Nsrôih tĭng nkhĭt gâp; Mâu ŭch geh bunuyh kơl khân păng.

Nau Mprơ Ơm 109:16

Yorlah păng mâu kah gĭt ƀư nau yô̆ ôh, Ƀiălah păng lŏ ƀư mhĭk ma phung rêh ni jêh ri o ach, Jêh ri ma nơm geh nuih n'hâm rêh ni gay ma nkhĭt lơi khân păng.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 53:4

Nanê̆, Păng tuy jêh nau ji kuet he, Păng anh jêh nau rngot klâng he Ƀiălah he mĭn Păng tâm ban ma nơm Brah Ndu lơh, dong Jêh ri ƀư rêh ni.

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

I Têsalônik 2:15

phung bunuyh hŏ nkhĭt jêh Kôranh Brah jêng Brah Yêsu, nkhĭt phung nơm mbơh lor, jêh ri ƀư mhĭk ma hên. Khân păng ƀư rngot nuih n'hâm Brah Ndu jêh ri rlăng đah lĕ rngôch bunuyh,