Nau Mprơ Ơm 69:21 - Nau Brah Ndu Ngơi 2023

²¹ Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Nau Mprơ Ơm 69:21 ပူးပေါင်းရင်းမြစ်များ

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Yêrêmi 9:15

Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Mathay 27:34

khân păng ăn ma Păng nhêt ndrănh tâm pot đah play măt tăng; ƀiălah dôl chiăm djê̆, Păng mâu ŭch nhêt ôh.

Mathay 27:48

Ƀât lât geh du huê tâm phung khân păng nchuăt, hăn sŏk bok mli mbŭk tâm dak srat, kât ta chiông tơm rpho jêh ri ndơ̆ ăn ma Brah Yêsu nhêt.

Markôs 15:23

Khân păng ăn ma Păng nhêt ndrănh pot đah dak si tăng, ƀiălah Păng mâu nhêt ôh.

Markôs 15:36

Geh du huê bunuyh nchuăt hăn sŏk bok mli mbŭk tâm dak srat, kât ta chiông tơm rpho, ndơ̆ ăn Păng nhêt jêh ri lah: “Gŭ kâp hom, uănh Y-Êli mra văch gay djôt leo păng trŭnh mâu lah mâu.”

Luka 23:36

Phung tahan gơm mưch ma Păng đŏng, hăn dăch jêh ri yơr dak srat ma Brah Yêsu nhêt

Nau Vay Nkah Tay 29:18

Nar aơ, lơi ăn geh ôh du huê tâm khân may, nđâp lah bu klâu mâu lah bu ur, nđâp lah rnăk vâl mâu lah ndŭl mpôl geh nuih n'hâm chalơi Yêhôva Brah Ndu he gay pah kan ma lĕ brah bơh phung ƀon lan nây. Tâm khân may lơi dĭng geh du mlâm reh deh play khih jêh ri play tăng.