Nau Mprơ Ơm 69:20 - Nau Brah Ndu Ngơi 2023

²⁰ Nuih n'hâm gâp chah rai yor bu ƀư nau prêng, Jêh ri gâp rêh ni ngăn. Gâp kâp gân nau yô̆ ƀiălah mâu saơ, Gâp joi nơm bonh leng ƀiălah mâu mâp.

Nau Mprơ Ơm 69:20 ပူးပေါင်းရင်းမြစ်များ

Ndrom Samƀŭt bơh Yôp 16:2

“Lĕ nau tâm ban pônây gâp hŏ tăng âk jêh; Lĕ rngôch khân may jêng phung bonh leng ƀư jêng dơm dam.

Nau Mprơ Ơm 123:4

Huêng hên dĭl nhăl jêh Nau mưch rmot bơh phung nklă, Jêh ri nau mưch rmot phung sưr.

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Nau Mprơ Ơm 42:10

Dôl phung rlăng nsŭch ma gâp, Ăp nar khân păng ôp ƀaƀơ: “Mbah Brah Ndu may?” Ƀư ma gâp ji ngăn nâm bu pă nting.

Nau Mprơ Ơm 42:6

Ơ Brah Ndu gâp! Huêng gâp rdja tâm nuih n'hâm gâp; Bơh bri neh Yurdan, bơh yôk Hermôn Jêh ri bơh dor Mitsar, Gâp kah gĭt tât ma May.

Êsai 63:5

Gâp uănh, mâu geh nơm kơl ôh; Gâp hih rhâl, mâu geh nơm tâm kơl; Rĭ dĭng ti Gâp nơm yơh kơl Gâp, Nau Gâp ji nuih kơl Gâp.

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

Markôs 14:37

Jêh nây Păng plơ̆ văch, saơ pe bunuyh lêt bê̆ch; Păng lah ma Y-Pêtrôs: “Hơi Y-Simôn, may bê̆ch ƀơh! Mâu ƀơh may dơi rngeh du mông?

Markôs 14:50

Lĕ rngôch chalơi Păng, nchuăt du.

Yôhan 12:27

Huêng Gâp aƀaơ geh nau uh ah ngăn. Mâm Gâp mra lah? ‘Ơ Mbơ̆, mông aơ dăn may rklaih Gâp! Ƀiălah yor tâm mông aơ Gâp hŏ văch.

Yôhan 16:32

Aơ mông tât jêh, nôk khân may mra nchah rai pru pra, ăp nơm tĭng păng nơm ŭch, chalơi Gâp gŭ êng. Ƀiălah Gâp mâu gŭ êng ôh, yorlah Mbơ̆ gŭ ndrel ma Gâp.

ហេឞ្រើ 11:36

Ƀaƀă êng dơn nau bu mưch rmot, nau bu dong mbang, nau bu nkông ma rse rvăk jêh ri nau bu krŭng.