Nau Mprơ Ơm 69:16 - Nau Brah Ndu Ngơi 2023

¹⁶ Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 69:16 ပူးပေါင်းရင်းမြစ်များ

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 109:21

Ƀiălah ơ Kôranh Brah jêng Brah Yêhôva, Yor ma amoh May, ăn May ƀư nau yô̆ ma gâp; Yorlah nuih n'hâm ueh Kôranh Brah jêng nau ueh, dăn tâm rklaih hom gâp.

Nau Mprơ Ơm 18:5

Lĕ rse ƀon phung khĭt hŏ kât jŭm gâp, Lĕ dăk nau khĭt nthăng nhŭp gâp.

Nau Mprơ Ơm 25:16

Dăn Kôranh Brah mêt uănh ta gâp jêh ri yô̆ nđach gâp, Yorlah gâp gŭ êng jêh ri rêh ni.

Nau Mprơ Ơm 26:11

Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

Nau Mprơ Ơm 36:7

Ơ Brah Ndu, nau ueh May khlay ngăn ngên! Phung kon bunuyh gŭ krap tâm dâng n'hâm năr May.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 63:3

Yor nau ueh May ueh lơn ma nau rêh. Bâr mbung gâp mra mprơ tâm rnê ma May.

Nau Mprơ Ơm 69:13

Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Mika 7:19

Păng mra hôm yô̆ nđach ma hên, Jot mpet nau djơh mhĭk he tâm dâng jâng Păng Jêh ri klŭp lơi lĕ rngôch nau tih hên Jŭr tâm dâng săt dak mƀŭt.