Nau Mprơ Ơm 69:13 - Nau Brah Ndu Ngơi 2023

¹³ Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Nau Mprơ Ơm 69:13 ပူးပေါင်းရင်းမြစ်များ

Nau Ntơm 24:27

jêh ri lah: “Lah ueh ma Brah Yêhôva, jêng Brah Ndu Y-Abraham jêng kôranh gâp! May geh nau ueh mro jêh ri răp jăp đah kôranh gâp! Bi ma gâp, Brah Yêhôva hŏ njŭn leo trong gâp tât ta ngih oh nâu kôranh gâp.”

Êsther 5:2

Tơlah hađăch saơ hađăch bu ur H'Êsther gŭ tâm trôm nhuang, păng geh nau yô̆ tanăp măt hađăch. Hađăch yơr mâng jra ma mah tâm ti hađăch nơm tât mpeh ma H'Êsther. H'Êsther hăn dăch jêh ri pah ta chiông mâng jra hađăch.

Êsther 5:6

Dôl khân păng râng nau sông sa nhêt ndrănh, hađăch lah ma H'Êsther: “Moh ndơ ay ŭch dăn? Gâp mra ăn ma ay! Moh nau ay ŭch? Nđâp tơlah du n'gul ƀon bri hađăch gâp, gâp mra ăn đŏng!”

Êsther 7:2

Nar tal bar, dôl râng nhêt ndrănh, hađăch lah đŏng ma H'Êsther: “Hơi hađăch bu ur H'Êsther, moh nau ay ŭch dăn, gâp mra ăn nau nây ma ay. Moh nau ay ŭch, nđâp lah kŏ tât n'gul ƀon bri hađăch gâp, gâp mra ăn đŏng.”

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Nau Nhĭm Vơl 3:63

May saơ jêh nĕ, dôl khân păng gŭ mâu lah dâk Gâp jêng nau mprơ mưch ăn ma khân păng mprơ huy.

Mika 7:20

May mra tâm mpơl nau răp jăp ngăn ma Y-Yakôb Jêh ri nau ueh ăn ma Y-Abraham, Jêng nau May sơm ton ma phung chô yau hên Ntơm bơh rnôk saơm.

Luka 1:72

Păng tâm mpơl nuih n'hâm yô̆ nđach ma chô yau he, Jêh ri kah gĭt tay nau tâm rnglăp kloh ueh Păng,

Luka 22:44

Tâm nau rngot rvê dŭt hâu, Păng mbơh sơm dŭt n'hâm ngăn, dak rhal Păng jêng tâm ban ma mham lĕ truh ta neh.

II Kôrintô 6:2

Yorlah Păng lah pô aơ: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih.” Ri, aƀaơ aơ jêng nar găl; ri, aƀaơ aơ jêng nar tâm rklaih!

ហេឞ្រើ 5:7

Dôl hôm gŭ rêh tâm nglay săk, Brah Yêsu nter ktang tâm nau mbơh sơm jêh ri vơh vơl bêng dak măt, ma Nơm geh nau dơi tâm rklaih Păng nơm bơh nau khĭt; jêh ri yor nau Păng blau klach yơk, Păng geh nau bu dơn.

I Pêtrôs 2:23

Nôk bu rak rtăp, Păng mâu rak rtăp ma bu ôh; tâm nôk dơn nau rêh ni, Păng mâu mâp thăm rmat ôh; ƀiălah jao Păng nơm ma Nơm phat dôih sŏng.

I Samuel 25:8

Ôp hom phung oh mon may, khân păng mra nkoch ma may gĭt. Yorlah hên hăn tâm nar rƀŭn, ŭch ăn phung ndăm gâp geh nau ueh lăng tanăp măt may. Dăn ăn ma phung oh mon may jêh ri ma kon bu klâu may Y-Đavit ăp moh ndơ may geh tâm ti.’”