Nau Mprơ Ơm 68:6 - Nau Brah Ndu Ngơi 2023

⁶ Brah Ndu ƀư ma phung rêh rngloi geh ngih gŭ, Njŭn phung dĭk bu tât ma nau ndrŏng kuăng, Ƀiălah ăn phung mâu gŭ răp jăp mra gŭ tâm neh sơh.

Nau Mprơ Ơm 68:6 ပူးပေါင်းရင်းမြစ်များ

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 107:10

Geh phung gŭ tâm nau ngo klĕng jêh ri tâm gui nau khĭt, Phung bu krŭng geh nau rêh ni tâm rse rvăk loih.

Nau Mprơ Ơm 107:14

Păng njŭn leo khân păng bơh ntŭk nau ngo klĕng jêh ri gui nau khĭt, Ƀư tăch rse rvăk kât ma khân păng.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Mprơ Ơm 113:9

Păng ăn bu ur mâu bă kon Jêng dơi ƀư mê̆ maak ta nklang phung kon tâm ngih păng! Halêluya!

Nau Mprơ Ơm 146:7

Păng ƀư nau di ma phung bu tŭn jot, Jêh ri ăn ndơ sông sa ma phung ji ngot. Brah Yêhôva rklaih phung bu nă jêng kon me.

Nau Mprơ Ơm 69:33

Yorlah Brah Ndu iăt nau phung pưt kƀah, Jêh ri păng mâu tâm rmot ma gâp phung ƀon lan May dôl gŭ tâm ndrung.

Nau Hôr 23:11

Yorlah Nơm Tâm Chuai khân păng jêng Nơm geh nau brah, Mra koh dŏng nau phong dôih bơh khân păng tâm rdâng đah may.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Ndrom Samƀŭt bơh Ôsê 2:3

Tơlah mâu, Gâp mra doh lơi rhôk păng, Ăn păng nâm bu nar mhe luh bơh ndŭl mê̆, Njêng păng jêng bri rdah, Jêng ntŭk neh kro, Ăn păng mra khĭt ji hir.

Malachi 1:3

Ƀiălah Gâp lĕ rŏng Y-Yakôb jêh ri tâm rmot ma Y-Êsau. Gâp mra ƀư rai gôl yôk păng mra jêng rngol, jêh ri jao lơi drăp ndơn păng ăn ma phung so bri tâm bri rdah.”

Kôranh Oh Mon 16:26

Ƀât lât, geh nau n'găr neh ntu dăng ngăn, kŏ tât lĕ mbon ngih ndrung n'gơ lĕ. Ƀât lât, lĕ rngôch mpông pơk da dê, rse rvăk phung bu nă tŭp lĕ rngôch.

Galati 4:27

Yorlah geh nau nchih: “Hơi bu ur ndrô gâng, mâu deh kon, maak hom! Hơi bu ur mâu mâp ji yorlah deh kon, troh nau hâk răm hom! Yorlah phung kon tă bơh bu ur bu chalơi jêng âk lơn ma kon tă bơh bu ur geh sai.”

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

I Samuel 2:5

Phung lĕ hơm jêh pah kan bu nkhôm gay geh piăng let, Ƀiălah phung ji ngot mâu hôm ji ngot đŏng ôh. Bu ur ndrô gâng, păng deh pơh tơ̆, Bi nơm âk kon, jêng djoh rgay.