Nau Mprơ Ơm 68:5 - Nau Brah Ndu Ngơi 2023

⁵ Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 68:5 ပူးပေါင်းရင်းမြစ်များ

II Nau Rêh Jêng 30:27

Pônây, phung kôranh ƀư brah jêng noi Lêvi gŭ dâk ăn nau ueh uĭn ma phung ƀon lan; Brah Ndu dơn bâr khân păng, nau mbơh sơm khân păng hao tât ma ntŭk kloh ueh Kôranh Brah ta klơ trôk.

II Nau Rêh Jêng 6:2

Ƀiălah gâp ndâk jêh du ngih brah jêng du ntŭk gŭ ma May, du ntŭk prăp ma May gŭ n'ho ro.”

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 10:18

Gay ƀư nau di ma phung kon đơi jêh ri phung bu tŭn jot, Ƀư ăn kon bunuyh ơm tă bơh ndruyh neh, mâu hôm klach đŏng ôh.

Nau Mprơ Ơm 118:19

Pơk an ma gâp lĕ mpông pêr nau sŏng srăng, Gâp mra hăn lăp gay tâm rnê ma Brah Yêhôva.

Nau Mprơ Ơm 146:9

Brah Yêhôva king n'gang phung bu năch, Kơl rđâng phung kon đơi jêh ri bu ur ndrô, Ƀiălah Păng ƀư rai lơi trong phung ƀai.

Nau Mprơ Ơm 150:6

Ăn lĕ rngôch mpa geh n'hâm nsôr, Tâm rnê ma Brah Yêhôva! Halêluya!

Nau Mprơ Ơm 33:14

Tă bơh sưng hađăch Kôranh Brah gŭ, Păng gŭ uănh, Păng sek uănh lĕ rngôch bunuyh gŭ ta neh ntu.

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 72:4

Hađăch mra phat dôih phung o ach tâm ƀon lan, Tâm rklaih phung pưt kƀah Jêh ri hađăch mra jot hăch phung tŭn jot.

Nau Ngluh Êjipt 3:15

Brah Ndu lah tay ma Y-Môis: “Ăn may ngơi ma phung ƀon lan Israel kơt aơ: ‘Brah Yêhôva, Brah Ndu phung chô yau khân may, Brah Ndu Y-Abraham, Brah Ndu Y-Isăk, Brah Ndu Y-Yakôb, njuăl jêh gâp văch ma khân may’: Aơ jêng amoh Gâp n'ho ro, Jêng amoh kah gĭt tâm lĕ rngôch rô̆.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 12:4

Tâm nar nây, khân may mra lah pô aơ: “Tâm rnê lah ueh hom ma Brah Yêhôva, Kuăl mbơh sơm ma amoh Păng; Ăn phung ndŭl mpôl bunuyh gĭt lĕ kan Păng ƀư; Nkah hom ăn khân păng kah gĭt amoh Păng geh nau yơk.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Yêrêmi 49:11

Chalơi hom phung kon đơi may, Gâp nơm mra king n'gang nau rêh khân păng; Phung bu ur ndrô khân may nsing hom ma Gâp!”

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Êphêsô 5:1

Pôri, ăn khân may plơ̆ jêng phung bunuyh tĭng kơt Brah Ndu nâm bu phung kon Păng rŏng ngăn ngên.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

Nau Vay Nkah Tay 26:15

Bơh ntŭk kloh ueh May gŭ, ta ntŭk trôk prêh klơ, dăn Kôranh Brah treng uănh jêh ri ăn nau ueh uĭn ma phung ƀon lan Israel May, ma n'gor bêng ma dak toh jêh ri dak sŭt May ăn jêh ma hên, tâm ban May sơm ton jêh ma phung chô yau hên.’ ”