Nau Mprơ Ơm 68:4 - Nau Brah Ndu Ngơi 2023

⁴ Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Mprơ Ơm 68:4 ပူးပေါင်းရင်းမြစ်များ

Nau Mprơ Ơm 104:3

Păng dơm lĕ rda jrô prêh Păng ta klơ dak prêh, Dŏng ndâr tŭk ƀư ndeh seh, Jêh ri ncho ta klơ năr sial.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Mprơ Ơm 5:12

Ơ Brah Yêhôva, yorlah May yơh mra ăn nau ueh uĭn ma phung sŏng srăng, Sŏk nau rŏng Kôranh Brah nkŭm nking bunuyh nây nâm bu khêl.

Nau Mprơ Ơm 66:2

Mprơ tâm rnê hom nau chrêk rmah Păng, Mprơ tâm rnê jêh ri mât ton Păng.

Nau Mprơ Ơm 66:4

Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Nau Mprơ Ơm 68:33

Păng jêng Nơm ncho ta klơ ma lĕ ndâr trôk ntơm bơh saơm, Iăt hom bâr Păng nter huy.

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Mprơ Ơm 97:11

Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Nau Ngluh Êjipt 3:14

Brah Ndu lah ma Y-Môis: “GÂP JÊNG NƠM GEH LOR JÊH RI N'HO RO.” Brah Ndu lah tay: “Lah hom ma phung ƀon lan Israel pô aơ: ‘NƠM GEH LOR hŏ njuăl gâp văch ma khân may.’”

Nau Ngluh Êjipt 6:3

Gâp hŏ tâm mpơl jêh ma Y-Abraham, Y-Isăk, jêh ri ma Y-Yakôb nhhơ Gâp nơm jêng Brah Ndu Geh Lĕ Nau Brah; ƀiălah Gâp ê hŏ mpơl ôh ma khân păng gĭt tâm amoh Gâp jêng Brah Yêhôva.

Nau Ngluh Êjipt 6:8

Gâp mra djôt khân may lăp tâm n'gor Gâp hŏ ton jêh ăn ma Y-Abraham, Y-Isăk, Y-Yakôb, jêh ri ăn n'gor nây jêng drăp ndơn ma khân may: Gâp jêng Brah Yêhôva.’”

Nau Hôr 10:28

Nau kâp gân phung sŏng srăng njŭn tât ma nau hâk răm, Bi nau kâp gân phung mhĭk mra hăn tâm nau rai yot.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Êsai 40:3

Geh bâr nter tâm bri rdah: “Pơk hom du trong ma Brah Yêhôva; Ƀư hom ăn sŏng du trong toyh tâm ndrêch rdah ma Brah Ndu he!

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.