Nau Mprơ Ơm 68:33 - Nau Brah Ndu Ngơi 2023

³³ Păng jêng Nơm ncho ta klơ ma lĕ ndâr trôk ntơm bơh saơm, Iăt hom bâr Păng nter huy.

Nau Mprơ Ơm 68:33 ပူးပေါင်းရင်းမြစ်များ

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

Nau Mprơ Ơm 102:25

Rnôk kăl e, May rhăk njêng mbon rplay neh, Lĕ ndâr trôk jêng kan bơh ti May nơm.

Nau Mprơ Ơm 104:3

Păng dơm lĕ rda jrô prêh Păng ta klơ dak prêh, Dŏng ndâr tŭk ƀư ndeh seh, Jêh ri ncho ta klơ năr sial.

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 66:1

Ơ lĕ neh ntu, Sŏk hom bâr troh maak ma Brah Ndu.

Nau Mprơ Ơm 66:2

Mprơ tâm rnê hom nau chrêk rmah Păng, Mprơ tâm rnê jêh ri mât ton Păng.

Nau Mprơ Ơm 68:4

Mprơ hom ma Brah Ndu, mprơ tâm rnê hom ma amoh Păng! Nkra hom trong ăn Nơm ncho ta klơ phung ndâr tŭk, Amoh Păng jêng Brah Yêhôva; Răm maak hom tanăp măt Păng!

Nau Mprơ Ơm 93:2

Sưng hađăch May njêng nâp jêh bơh rnôk kăl e; May gŭ bơh n'ho ro.

Êsêkiêl 10:5

Nteh rpuh nting năr chêrubim bu tăng kŏ tât ta nkual nhuang padih nâm bu bâr Brah Ndu Geh Lĕ Nau Brah tơlah Păng lah.

Nau Vay Nkah Tay 10:14

Aơ, trôk jêh ri lĕ ndâr trôk dŭt prêh, neh ntu jêh ri lĕ rngôch mpa klơ neh jêng ndơ Yêhôva Brah Ndu khân may.

Nau Vay Nkah Tay 33:26

“Hơi Yêsurun, mâu geh nơm tâm ban ma Brah Ndu ôh, Nơm tâm rklaih văch ncho tâm trôk, Nau rnam ta klơ lĕ ndâr tŭk.

Nau Tâm Mpơl 11:12

Bar hê khân păng tăng du bâr ngơi huy ngăn tă bơh trôk lah pô aơ: “Hăn hao hom ta aơ!” Bar hê khân păng hao klơ trôk tâm ndâr tŭk; jêh ri phung rlăng khân păng saơ da dê.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.