Nau Mprơ Ơm 68:28 - Nau Brah Ndu Ngơi 2023

²⁸ Brah Ndu ah, ăn n'hâm toyh suan dăng May; Ơ Brah Ndu, dăn mpơl nau brah May, nâm bu May hŏ ƀư jêh ma hên.

Nau Mprơ Ơm 68:28 ပူးပေါင်းရင်းမြစ်များ

Nau Mprơ Ơm 138:8

Brah Yêhôva mra ƀư lôch jêh lĕ rngôch nau kan gâp. Ơ Brah Yêhôva, nuih n'hâm ueh May hôm tât ƀaƀơ n'ho ro; Lơi chalơi ôh nau kan ti May nơm ƀư jêh!

Nau Mprơ Ơm 42:8

Tơlah pônây, dôl nar Brah Yêhôva ăn nau ueh bơh Păng; Dôl măng, nau mprơ Păng gŭ ndrel gâp, Nây jêng nau mbơh sơm ma Brah Ndu, jêng Nơm ăn nau rêh ma gâp.

Nau Mprơ Ơm 44:4

May yơh jêng Hađăch jêh ri Brah Ndu gâp. Dăn ăn nau ntrŭnh tâm rklaih ma Yakôb.

Nau Mprơ Ơm 71:3

Dăn May ƀư lŭ toyh ăn ma gâp gŭ krap Ăn jêng ntŭk gâp dơi lăp ta nây ƀaƀơ; Dăn May ntrŭnh nau ntăm tâm rklaih gâp Yorlah May jêng lŭ toyh ngăn jêh ri pôih nâp gâp.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

II Têsalônik 1:11

Yor ri, hên mbơh sơm ma khân may ƀaƀơ, gay ma Brah Ndu he ƀư ma khân may khư ma nau Păng kuăl, jêh ri yor ma nau brah Păng gay ƀư lôch jêh lĕ nau ŭch mĭn ueh jêh ri kan nau chroh khân may;

Phung Kôranh Phat Dôih 4:10

Y-Barak tâm rƀŭn phung Sabulôn jêh ri phung Naptali văch ta Kêdês; geh jât rbăn bunuyh hăn tĭng păng jêh ri H'Dêbôra ăt hăn ndrel ma păng.

I Samuel 9:21

Y-Sôl lah: “Mâu di hĕ, gâp knŏng jêng du huê phung Benjamin, jêng du ndŭl mpôl jê̆ lơn tâm phung ndŭl mpôl Israel? Ndŭl mpôl gâp jê̆ lê̆ lơn ma lĕ rngôch ndŭl tâm noi deh Benjamin. Pônây, Mâm ƀư may ngơi nau pônây ma gâp?”