Nau Mprơ Ơm 68:25 - Nau Brah Ndu Ngơi 2023

²⁵ Phung mprơ hăn lor, phung kreh gong rêng tĭng groi kơi, Tâm nklang jêng phung bu ur dong gâr jê̆ goh gâr.

Nau Mprơ Ơm 68:25 ပူးပေါင်းရင်းမြစ်များ

I Nau Rêh Jêng 13:8

Y-Đavit jêh ri lĕ rngôch phung Israel hâk răm âk ngăn, pâl ntalơ̆ tanăp Brah Ndu ma nau mprơ, kreh gong rêng loih, gong rêng, gâr jê̆, ching ndrup tâm nchâm, jêh ri uh nŭng.

Nau Mprơ Ơm 63:3

Yor nau ueh May ueh lơn ma nau rêh. Bâr mbung gâp mra mprơ tâm rnê ma May.

Nau Mprơ Ơm 77:14

May jêng Brah Ndu vay ƀư nau mbên khlay; May tâm mpơl nau brah May ta nklang phung ƀon lan.

Nau Mprơ Ơm 87:7

Phung mprơ jêh ri phung pâl ntalơ̆ mra lah pô aơ: “Lĕ rngôch tu ueh uĭn gâp gŭ tâm May da dê.”

Nau Ngluh Êjipt 15:20

Aƀaơ, bu ur H'Miriam nơm mbơh lor, ruh Y-Arôn, ta ti djôt du mlâm gâr jê̆, jêh ri lĕ rngôch phung bu ur tĭng ndô̆ păng djôt gâr jê̆ da dê jêh ri pâl ntalơ̆.

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Phung Kôranh Phat Dôih 11:34

Y-Jêptê plơ̆ sĭt tay ma ngih păng ta Mispa, jêh ri aơ, kon bu ur păng djôt leo gâr jê̆ jêh ri pâl ntalơ̆ tâm mâp păng. Bu ur jêng kon bu ur păng, padih bu ur nây mâu hôm geh ôh kon bu ur mâu lah kon bu klâu êng đŏng.

I Samuel 18:6

Tơlah Y-Đavit hŏ nkhĭt dơi bu klâu Philistin, jêh ri păng plơ̆ sĭt ndrel ma phung tahan, geh phung bu ur tă bơh lĕ rngôch ƀon Israel luh hăn tâm mâp đah hađăch Sôl, mprơ jêh ri kdŏ, nter răm maak ndrel ma gâr jê̆, jêh ri lĕ ntil gong êng êng.