Nau Mprơ Ơm 68:17 - Nau Brah Ndu Ngơi 2023

¹⁷ Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Nau Mprơ Ơm 68:17 ပူးပေါင်းရင်းမြစ်များ

II Phung Hađăch 2:11

Dôl khân păng hăn n'ho ma ngơi, aơ, geh du bôk ndeh seh ŭnh jêh ri seh ŭnh tâm nkhah bar hê khân păng, jêh nây Y-Êli hao rlet klơ trôk tâm sial vănh blông.

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Mprơ Ơm 9:12

Yorlah Nơm plơng bôk ma mham kah gĭt ma phung rêh ni; Păng mâu chuêl ôh nau khân păng kuăl gay sâm rklaih.

Nau Ngluh Êjipt 3:5

Brah Ndu lah: “Lơi dăch ta aơ ôh! Ăn may doh hom ntâu jot tă bơh jâng may yorlah ntŭk may dôl dâk nây jêng neh kloh ueh.”

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Êsêkiêl 43:9

Aƀaơ ri, ăn khân păng chalơi lĕ nau văng tĭr jêh ri mƀăr săk jăn khĭt khân păng ngai đah Gâp ri mơ Gâp mra gŭ ta nklang khân păng n'ho ro.

Daniel 7:10

Tanăp măt Păng, Du n'hor dak krong ŭnh hoch. Rbăn rbăn nuyh pah kan ma Păng Rmưn rmưn gŭ tanăp Păng Phung phat dôih ntơm phat dôih, Ndrom samƀŭt hŏ pơk jêh.

Habakuk 3:8

Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?

Mathay 26:53

May ntôn lah Gâp mâu dơi hĕ dăn ma Mbơ̆ Gâp, jêh ri Păng mra njuăl rlau jât ma bar phung mpôl tông mpăr ăn ma Gâp gơnh ro?

Nau Vay Nkah Tay 33:2

Păng lah: “Brah Yêhôva văch jêh bơh yôk Sinai, Sol ang ma he bơh yôk Sêir, Jêh ri sol nchrat ang bơh yôk Paran; Păng văch bơh ta nklang âk rbăn phung kloh ueh, Ŭnh nau vay luh tă bơh ti ma Păng.

Nau Tâm Mpơl 5:11

Gâp uănh, jêh ri tăng bâr âk phung tông mpăr jŭm sưng hađăch, phung mpa rêh jêh ri phung kôranh bu ranh. Geh âk rbăn, rmưn rsen tông mpăr

Nau Tâm Mpơl 9:16

Rnoh kơp phung tahan ncho seh jêng bar rhiăng rkeh. Nây jêng rnoh kơp khân păng gâp tăng jêh.