Nau Mprơ Ơm 68:11 - Nau Brah Ndu Ngơi 2023

¹¹ Kôranh Brah ntrŭnh nau ntăm, Du phung bu ur hăn mbơh Nau Mhe Mhan Ueh pô aơ:

Nau Mprơ Ơm 68:11 ပူးပေါင်းရင်းမြစ်များ

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nau Mprơ Ơm 68:25

Phung mprơ hăn lor, phung kreh gong rêng tĭng groi kơi, Tâm nklang jêng phung bu ur dong gâr jê̆ goh gâr.

Nau Ngluh Êjipt 14:15

Brah Yêhôva lah ma Y-Môis: “Mâm ƀư may nter ma Gâp? Đă hom phung ƀon lan Israel ăn hăn panăp.

Nau Ngluh Êjipt 15:20

Aƀaơ, bu ur H'Miriam nơm mbơh lor, ruh Y-Arôn, ta ti djôt du mlâm gâr jê̆, jêh ri lĕ rngôch phung bu ur tĭng ndô̆ păng djôt gâr jê̆ da dê jêh ri pâl ntalơ̆.

Êphêsô 4:11

Păng yơh ăn ma ƀaƀă phung jêng kôranh oh mon, ƀaƀă phung jêng nơm mbơh lor, ƀaƀă phung êng jêng ma nơm mbơh nkoch Nau Mhe Mhan Ueh, ƀaƀă phung êng êng đŏng jêng nơm nti jêh ri kôranh nti,

Nau Tâm Mpơl 19:13

Păng nsoh ao mbŭk tâm mham. Amoh Păng dơi rnha jêng NAU BRAH NDU NGƠI.

Phung Kôranh Phat Dôih 4:6

Păng prơh bu kuăl Y-Barak, kon bu klâu Y-Abinôam, bơh Kêdês, tâm n'gor Naptali tât jêh ri lah ma păng pô aơ: “Yêhôva Brah Ndu phung Israel hŏ ntĭnh ma may: ‘Hăn hom, djôt leo jât rbăn bunuyh bơh phung kon sau Naptali jêh ri phung Sabulôn jêh ri dăp tâm lơh ta klơ yôk Tabor.

I Samuel 18:6

Tơlah Y-Đavit hŏ nkhĭt dơi bu klâu Philistin, jêh ri păng plơ̆ sĭt ndrel ma phung tahan, geh phung bu ur tă bơh lĕ rngôch ƀon Israel luh hăn tâm mâp đah hađăch Sôl, mprơ jêh ri kdŏ, nter răm maak ndrel ma gâr jê̆, jêh ri lĕ ntil gong êng êng.