Nau Mprơ Ơm 68:1 - Nau Brah Ndu Ngơi 2023

¹ Dăn Brah Ndu dâk, gay ƀư ma phung rlăng Păng chah rai pru pra Jêh ri ƀư ma phung tâm rmot Păng nchuăt du panăp Păng.

Nau Mprơ Ơm 68:1 ပူးပေါင်းရင်းမြစ်များ

II Nau Rêh Jêng 6:41

Ơ Yêhôva Brah Ndu! Dâk hom Gay ma Kôranh Brah jêh ri Hip Nau Tâm Rnglăp bêng nau brah May dơi lăp ta ntŭk May rlu! Ơ Yêhôva Brah Ndu! Ăn ma phung kôranh ƀư brah May nsoh nau tâm rklaih, Jêh ri phung blau yơk ma May dơi răm maak Tâm nau ueh May!

Nau Mprơ Ơm 21:8

Ti hađăch mra dơi nhŭp lĕ rngôch phung rlăng đah păng; Ti ma hađăch mra geh nhŭp phung tâm rmot ma păng.

Nau Mprơ Ơm 44:26

Ăn May dâk hom gay ma sâm kơl hên; Tâm chuai hên yor nau nuih n'hâm ueh May.

Nau Mprơ Ơm 59:11

Ơ Kôranh Brah, jêng khêl ma hên! Lơi ta nkhĭt ro ma khân păng, klach lah phung ƀon lan May gơnh chuêl nau May yô̆; Sŏk hom nau brah May ƀư ma khân păng du pru pra Jêh ri ƀư rai khân păng.

Nau Mprơ Ơm 68:14

Tơlah Nơm Geh Lĕ Nau Brah lơh nchah rai phung hađăch, Njêng mih pler nkhŭt ta yôk Salmôn.

Nau Mprơ Ơm 68:30

Nduyh lah ma mpa bri rêh gŭ tâm rpho treng, Nduyh lah ma phung ndrôk nkuăng ndrel lĕ ndrôk kon phung ƀon lan Kŏ tât khân păng chon kômâk jêh ri nhhơr lĕ rlay prăk. Dăn May ƀư rai lơi phung mpôl băl bunuyh ŭch ma nau tâm lơh.

Nau Mprơ Ơm 89:10

May ƀư nchah hăch Rahap nâm bu du mlâm săk jăn khĭt, Ma ti brah toyh, May lơh phung rlăng du pru pra.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsai 33:3

Lah tăng nteh drơu drơu, phung ƀon lan nchuăt du; Lah May dâk, lĕ bri dak nchuăt du lă lêng.

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Nau Kơp Bunuyh 10:35

Tơlah Hip Nau Tâm Rnglăp trơn, Y-Môis lah pô aơ: “Ơ Brah Yêhôva, dăn dâk hăn gay ƀư ma phung rlăng May chah rai pru pra, Jêh ri ƀư ma phung tâm rmot ma May nchuăt du panăp May!”

Nau Vay Nkah Tay 7:10

Ƀiălah đah lĕ bunuyh tâm rmot ma Păng, pôri Păng har plơng ma nau ƀư rai lơi khân păng. Păng mâu njong ôh ƀiălah har plơng lĕ phung bunuyh tâm rmot ma Păng.