Nau Mprơ Ơm 66:4 - Nau Brah Ndu Ngơi 2023

⁴ Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Nau Mprơ Ơm 66:4 ပူးပေါင်းရင်းမြစ်များ

Nau Mprơ Ơm 117:1

Ơ lĕ rngôch bri dak, tâm rnê hom ma Brah Yêhôva; Ơ lĕ rngôch ntil mpôl bunuyh, tâm rnê hom ma Păng!

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”