Nau Mprơ Ơm 66:18 - Nau Brah Ndu Ngơi 2023

¹⁸ Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Mprơ Ơm 66:18 ပူးပေါင်းရင်းမြစ်များ

Ndrom Samƀŭt bơh Yôp 35:13

N'hêl nanê̆, nau mbơh sơm mâu răp jăp Brah Ndu mâu iăt ôh, Nơm Geh Lĕ Nau Brah mâu mra treng uănh ôh.

Ndrom Samƀŭt bơh Yôp 36:21

Njrăng hom lơi plơ̆ sĭt ôh ma nau tih mhĭk, Yorlah nau rêh ni hŏ ntĭm nti may bơh nau ƀư tih.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:13

Phung nsêt tôr mâu ŭch iăt ôh nau kuăl nter bơh bunuyh o ach, Dôl phung nây kuăl nter ăt mâu geh lĕ nơm plơ̆ sĭt lah.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Yôhan 9:31

He gĭt Brah Ndu mâu iăt ôh phung bunuyh geh nau tih, ƀiălah tơlah mbu nơm klach yơk ma Păng, jêh ri ƀư tĭng nâm nau mĭn Păng ŭch ri mơ Brah Ndu iăt nau păng.

Yakơ 4:3

Khân may mbơh sơm dăn ƀiălah mâu sŏk dơn ôh, yorlah khân may dăn mbơh sơm đah nau mĭn mhĭk, gay ŭch dŏng ma nglay săk khân may nơm ŭch.