Nau Mprơ Ơm 65:4 - Nau Brah Ndu Ngơi 2023

⁴ Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Mprơ Ơm 65:4 ပူးပေါင်းရင်းမြစ်များ

II Nau Rêh Jêng 6:39

dăn ma May tă bơh klơ trôk, jêng ntŭk May gŭ, rkêng tôr iăt nau khân păng mbơh sơm vơl dăn, koh dŏng khân păng, jêh ri yô̆ an nau tih phung ƀon lan May ƀư tih jêh đah May.

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 15:1

Ơ Brah Yêhôva, mbu mra gŭ tâm ngih bok May? Mbu mra gŭ ta yôk kloh May?

Nau Mprơ Ơm 17:15

Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 23:6

Nanê̆ ngăn, lĕ nau rêh gâp, Nau ueh jêh ri nau yô̆ nđach mra tĭng gâp; Gâp mra gŭ tâm ngih Brah Yêhôva Kŏ tât n'ho ro.

Nau Mprơ Ơm 24:7

Hơi lĕ mpông pêr, n'gơr hom bôk! Hơi mpông pêr ntơm saơm, pơk hom ăn prêh, Gay ma Hađăch chrêk rmah mra lăp.

Nau Mprơ Ơm 33:12

Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 38:5

Yorlah gâp rluk, Lĕ sôt rmanh gâp ƀâu ôm jêh ri tŏh ok.

Nau Mprơ Ơm 4:3

Khân may mra gĭt Brah Yêhôva hŏ prăp êng jêh bunuyh blau yơk ma Păng. Tơlah gâp kuăl mbơh sơm, Brah Yêhôva mra iăt nau gâp.

Nau Mprơ Ơm 63:5

Huêng gâp dơi hơm tâm ban ma sa glo tâm nting jêh ri ngi; Bâr mbung gâp mra răm maak jêh ri mprơ tâm rnê ma May.

Nau Mprơ Ơm 84:4

Ueh maak yơh phung dơi gŭ tâm ngih May! Khân păng mra mprơ tâm rnê ma May mro mrăng. (Sêla)

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.