Nau Mprơ Ơm 64:7 - Nau Brah Ndu Ngơi 2023

⁷ Ƀiălah Brah Ndu mra pănh hăr ma khân păng: Ƀât lât khân păng mra geh sôt rmanh.

Nau Mprơ Ơm 64:7 ပူးပေါင်းရင်းမြစ်များ

I Phung Hađăch 22:34

Nôk nây, geh du huê bunuyh nkhêp van na pănh di ta hađăch Israel, di tâm ntŭk vah vang nđa nsiap ao loih ndơ nkŭm ntang ntơh. Hađăch lah đah nơm ƀĭt ndeh seh păng pô aơ: “Plăch ndeh hom, rdeng gâp luh du bơh nau tâm lơh, yorlah gâp lĕ rmanh jru jêh.”

Ndrom Samƀŭt bơh Yôp 6:4

Yorlah lĕ chiông hăr Nơm Geh Lĕ Nau Brah di ta gâp jêh, Nuih n'hâm gâp lêng dak kăch khân păng; Brah Ndu nkrĭp dăp tahan tâm rdâng đah gâp ƀư ma gâp krit klach ngăn.

Nau Mprơ Ơm 18:14

Păng pănh hăr ƀư ma phung rlăng du pru pra, Luh nteh nglaih nchrat ang ăn khân păng krit ngăn.

Nau Mprơ Ơm 64:4

Khân păng gŭ kâp dâp gay ma pănh bunuyh sŏng; Ƀât lât khân păng pănh hăr mâu du jê̆ nau klach ôh.

Nau Mprơ Ơm 73:19

Ri, bu ƀư rai khân păng tâm ƀât lât, Nau klach toyh ƀư ma khân păng roh rai.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nau Hôr 6:15

Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Nơm Nti 9:3

Aơ jêng nau mhĭk tât tâm lĕ rngôch moh nau geh tât tâm dâng nar: Yorlah ăp bunuyh dơn nsum du mrô tâm nal yor ri nuih n'hâm kon bunuyh bêng ma nau janh ƀai, jêh ri nau brŭt ndrăng chiă uănh nau mĭn khân păng du bông nau rêh, gay nglĕ dŭt mra hăn lăp tâm ma nau khĭt.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Mathay 24:40

Dôl nây, geh bar hê bunuyh bu klâu dôl gŭ tâm mir: du huê bu dơi sŏk, du huê bu chalơi;

Nau Vay Nkah Tay 32:23

Gâp mra bun nau mhĭk ta klơ khân păng, Pănh ma hăr mplônh lăp ta khân păng.

Nau Vay Nkah Tay 32:42

Gâp mra ƀư ma hăr djrêp mham, Măt đao sa rvăn puăch, Jêng mham bơh phung bunuyh bu nă jêh ri phung bu sreh nkhĭt jêh, Bôk phung kôranh tahan rlăng.”