Nau Mprơ Ơm 63:6 - Nau Brah Ndu Ngơi 2023

⁶ Dôl gŭ bê̆ch ta klơ sưng, gâp kah gĭt ma May, Jêh ri gŭ mĭn rvê ma May tâm ăp măng.

Nau Mprơ Ơm 63:6 ပူးပေါင်းရင်းမြစ်များ

Ndrom Samƀŭt bơh Yôp 36:16

Păng nsŭk nsôr may du luh bơh trôm mbung nau rêh ni, Dơm may ta ntŭk gŭ păn thơ mâu hôm geh nau uh nuih ôh; Ndơ sông sa kah bu hŏ ndrăp bêng klơ sưng.

Nau Mprơ Ơm 104:33

Tơlah ndah jŏ gâp gŭ rêh, gâp mra mprơ ma Brah Yêhôva dŭm nĕ; Tơlah ndah jŏ gâp hôm rêh, gâp mra mprơ tâm rnê ma Brah Yêhôva dah nĕ lĕ.

Nau Mprơ Ơm 119:55

Ơ Brah Yêhôva, dôl măng gâp kah gĭt tay ma amoh May Jêh ri gâp djôt prăp nau vay May.

Nau Mprơ Ơm 149:5

Ăn phung kloh ueh Păng maak tâm nau chrêk rmah, Ăn khân păng mprơ maak ta sưng bê̆ch khân păng!

Nau Mprơ Ơm 42:8

Tơlah pônây, dôl nar Brah Yêhôva ăn nau ueh bơh Păng; Dôl măng, nau mprơ Păng gŭ ndrel gâp, Nây jêng nau mbơh sơm ma Brah Ndu, jêng Nơm ăn nau rêh ma gâp.

Nau Mprơ Ueh 5:2

Gâp bê̆ch ƀiălah nuih n'hâm gâp rngeh. Ri! Nơm gâp rŏng goh mpông: “Pơk mpông ăn ma gâp, oh bu ur gâp, nơm gâp rŏng, Sĭm plŭk gâp nơm, nơm ueh ngăn ngên ma gâp! Yorlah bôk gâp bĕ hâu ngăn, Sŏk gâp bĕ dak ngom dôl bri măng.”

Yêrêmi 31:14

Gâp mra ăn ma phung kôranh ƀư brah ndơ sông sa lay rmeh ler; Phung ƀon lan Gâp mra bêng ler tâm nau ueh Gâp,” Brah Yêhôva lah pônây.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.